புல்லட் ஓட்டியதற்காக தலித் மாணவன் கைகளை வெட்டிய சாதியக் கொடூரம் : ஜோதிமணி எம்.பி கண்டனம்!

இது மாதிரியான கொடுஞ்செயலை செய்வதற்கான தைரியம் இவர்களுக்கு எங்கிருந்து வருகிறது? இந்த அப்பட்டமான சாதிவெறி குறித்து, ஒரு சமூகமாக நாம் வெட்கித் தலைகுனிவதோடு, இந்த சாதி வெறியர்களுக்கு எதிராக ஒரு சமூகமாக நாம் கடுமையான நிலைபாட்டை எடுக்கவேண்டும்.

சட்டம் மிகக் கடுமையாகவும், விரைவாகவும் எதிர்வினையாற்ற வேண்டும். இம்மாதிரியான குற்றவாளிகள் ஒருபோதும் சட்டத்தின் பிடியிலிருந்தும், சமூகத்தின் கூட்டு மனசாட்சி மற்றும் அற உணர்விலிருந்தும் எக்காரணத்தை முன்னிட்டும் தப்பித்துவிடக் கூடாது.

இவர்கள் அந்த கிராமத்தில் சற்று வசதியாகவும், புதிதாக வீடுகள் கட்டியும்
வாழ்ந்து வந்துள்ளார்கள். இது அதே கிராமத்தில் வாழ்ந்து வந்த மற்ற சமூகத்தை
(அகமூடையார் ) சேர்ந்த இளைஞர்களான வினோத், ஆதி ஈஸ்வரன் ,வல்லரசு இவர்களுக்கு பிடிக்கவில்லை.

இந்நிலையில் கடந்த ஒரு வருடத்திற்கு முன்பு பூமிநாதன் (சித்தப்பா) புதிதாக
புல்லட் பைக் ஒன்று வாங்கியுள்ளார். வாங்கிய மறுநாளே இவர்கள் அந்த பைக்கை
அடித்து உடைத்து உள்ளார்கள். பூமிநாதனையும் அடிக்க முயற்சித்துள்ளார்கள்.

இதுகுறித்து காவல் நிலையத்தில் புகார் கொடுத்துள்ளார்கள். பிறகு ஊரில் வைத்து பேசி முடித்துள்ளார்கள். இதனைத் தொடர்ந்து நேற்று மாலை இளைஞர் கல்லூரி முடித்துவிட்டு வீடு வரும் பொழுது, வீட்டின் அருகே மறித்து “இந்த ஜாதியில் இருந்துகிட்டு எங்க முன்னாடியே நீ எல்லாம் எப்படிடா புல்லட் ஓட்டலாம்” என்று கூறி, இளைஞரின் இரண்டு கைகளையும் வெட்டி உள்ளார்கள். கை இருந்தால்தானே ஓட்ட முடியும் என்ற நோக்கத்துடன் அவர் கையை வெட்டியுள்ளதாக கூறப்படுகிறது.

இந்நிலையில் அவரை அழைத்துக் கொண்டு சிவகங்கை அரசு மருத்துவமனைக்கு கொண்டு செல்லவே, அங்கிருந்து உயர் சிகிச்சைக்காக மதுரை ராஜாஜி அரசு மருத்துவமனைக்கு கொண்டு சென்றுள்ளனர். குடும்பத்துடன் மருத்துவமனைக்கு சென்ற நேரத்தில் மறுபடியும்  பூமிநாதனின் வீட்டை அடித்து நொறுக்கி உள்ளார்கள். இதில் ஜன்னல், கதவு, ஸ்விட்ச் போர்டு, வீட்டின் ஓடு சேதம் அடைந்துள்ளது.

காவல் நிலையத்தில் புகார் கொடுக்கவே, இதில் தொடர்புடைய வினோத்,ஆதி ஈஸ்வரன் மற்றும் வல்லரசு மூன்று பேரையும் கைது செய்து சாதிய வன்கொடுமை தடுப்புச் சட்டத்தின் கீழ் விசாரித்து வருகின்றனர். இதில் வினோத் மற்றும் ஆதி ஈஸ்வரன் மீது பல்வேறு கொலை மற்றும் கொள்ளை வழக்குகள் காவல் நிலையத்தில் நிலுவையில் உள்ளது என்பது குறிப்பிடத்தக்கது. மேலும் தற்போது காயம்பட்ட அய்யாசாமிக்கு மதுரை ராஜாஜி மருத்துவமனையில் இரண்டு
கைகளையும் சேர்ப்பதற்காக அறுவை சிகிச்சை நடந்து வருகிறது என்பது
குறிப்பிடத்தக்கது.