வெங்காயச் சாற்றை உட்கொள்வதால் ரத்த அழுத்தம் குறையுமா? - வைரலாகும் கூற்று உண்மையா?

This News Fact Checked by ‘Newsmeter’

வெங்காய சாறு உட்கொள்வதால் ரத்த அழுத்தத்தை குறைக்கலாம் என்ற கூற்றுடன் இன்ஸ்டாகிராம் வீடியோ ஒன்று வைரலாகி வருகிறது. வெங்காயச் சாற்றை ஒரு நாளைக்கு இரண்டு முறை தொடர்ந்து 30 நாட்களுக்கு, வெறும் வயிற்றிலும் மற்றும் மதிய உணவுக்கு மூன்று மணி நேரத்திற்குப் பிறகும் சாப்பிட  வேண்டும் என வீடியோ பரிந்துரைக்கிறது. இதுகுறித்து உண்மைத் தன்மையை விரிவாக காணலாம்.

உண்மை சரிபார்ப்பு : 

சமூக வலைதளங்களில் வைரலான கூற்று தவறாக வழிநடத்துவதாக நியூஸ்மீட்டர் கண்டறிந்துள்ளது. வெங்காயச் சாறு உட்கொள்வதால் மட்டும் ரத்த அழுத்தத்தைக் குறைக்க முடியாது என மருத்துவ நிபுணர்கள் தெரிவித்துள்ளனர். காமினேனி மருத்துவமனையின் ஆலோசகரும் பொது மருத்துவருமான டாக்டர் ஸ்ரீகிருஷ்ணா ராகவேந்திரா.. கூறுகையில், " வெங்காயத்தில் உள்ள சில கலவைகள், குறிப்பாக க்வெர்செடின், ஹைபோடென்சில் விளைவுகளை ஏற்படுத்தும் என்று ஆராய்ச்சி கூறுகிறது. மருத்துவ பரிசோதனைகள் தனிநபர்களின் இரத்த அழுத்த அளர்களில் நேர்மறையான விளைவுகளை சுட்டிக்காட்டியுள்ளன. இருப்பினும், இரத்த அழுத்தத்தில் வெங்காய சாற்றின் விளைவுகள் உலகளவில் ஏற்றுக்கொள்ளப்படவில்லை, மேலும் உறுதியான இணைப்பை நிறுவ இன்னும் பெரிய அளவிலான, கட்டுப்படுத்தப்பட்ட ஆய்வுகள் தேவை.

பல பாரம்பரிய மருத்துவ நடைமுறைகள் உயர் இரத்த அழுத்தம் உள்ளிட்ட சுகாதார நிலைமைகளை நிர்வகிக்க வெங்காயம் போன்ற இயற்கை உணவுகளைப் பயன்படுத்துவதை பரிந்துரைக்கின்றன. இயற்கை உணவுகள் ஒட்டுமொத்த நல்வாழ்வுக்குக் கொண்டுவரும் முழுமையான நன்மைகளை இது வழங்குவதாக நம்பப்படுகிறது.

வெங்காயத்தில் ஆன்டிஆக்ஸிடன்ட்கள் நிறைந்துள்ளன. இது ஆக்ஸிஜனேற்ற அழுத்தத்தைக் குறைக்க உதவுகிறது இது உயர் இரத்த அழுத்தத்திற்கு அறியப்பட்ட காரணியாகும்.

வைரலாகும் கூற்றை ஆதரிக்க சில ஆய்வுகள் இருந்தாலும், சான்றுகள் உறுதியானவை அல்ல. எனவே, உயர் இரத்த அழுத்தத்தை நிர்வகிப்பதற்கு பொதுவாக ஒரு விரிவான அணுகுமுறை தேவைப்படுகிறது. இதில் பொருத்தமான உணவு, உடற்பயிற்சி மற்றும் சில நேரங்களில் மருந்துக்களும் அடங்கும். மற்ற காரணிகளைக் கவனிக்காமல் வெங்காயச் சாற்றில் மட்டும் கவனம் செலுத்துவது குறிப்பிடத்தக்க பலன்களைத் தராது" என்று டாக்டர் ஸ்ரீகிருஷ்ண ராகவேந்திரா கூறினார்.

இரத்த அழுத்தத்தில் அளவிடக்கூடிய விளைவை அடைய வெங்காய சாற்றின் அளவு குறித்த குறிப்பிட்ட தரநிலை எதுவும் இல்லை, மேலும் இந்த முறையை பராமரிப்பது பலருக்கு கடினமாக இருக்கலாம்.

"வெங்காய சாறு அதன் குவெர்செடின் உள்ளடக்கம் காரணமாக நன்மை பயக்கும் என்றாலும், உயர் இரத்த அழுத்தத்திற்கான ஒரு முழுமையான சிகிச்சையாக அதை பார்க்கக்கூடாது. சீரான உணவு, வழக்கமான உடற்பயிற்சி மற்றும் மருத்துவ ஆலோசனையைப் பின்பற்றுதல் ஆகியவை இரத்த அழுத்தத்தை நிர்வகிப்பதற்கான சிறந்த அணுகுமுறையாகும்" என்றும் டாக்டர் ஸ்ரீகிருஷ்ண ராகவேந்திரா கூறினார்.

முடிவு : 

வெங்காய சாறு உட்கொள்வதால் இரத்த அழுத்தத்தை குறைக்கலாம் என்ற கூற்றுடன் இன்ஸ்டாகிராம் வீடியோ ஒன்று வைரலாகி வருகிறது. இதுகுறித்து நியூஸ்மீட்டர் நடத்திய ஆய்வில் வெங்காயச் சாற்றினால் மட்டும் ரத்த அழுத்தத்தை குறைக்க முடியாது என்பது நிரூபணமாகிறது

Note : This story was originally published by ‘Newsmeter’ and Translated by ‘News7 Tamil’ as part of the Shakti Collective.