சிறந்த இயக்குநர் சுதா கொங்கரா.. சிறந்த இசையமைப்பாளர் ஜிப்ரான்.. தமிழ்நாடு அரசின் திரைப்பட விருதுகள் அறிவிப்பு!

தமிழ்நாடு அரசின் திரைப்பட விருதுகள் வழங்கும் விழாவில் சிறந்த இயக்குநருக்கான விருது சுதா கொங்கராவிற்கும். சிறந்த இசையமைப்பாளருக்கான விருது ஜிப்ரானுக்கும் வழங்கப்படவுள்ளது.

தமிழ்நாடு அரசின் சார்பில் திரைப்பட விருதுகள் மற்றும் தமிழ்நாடு அரசு எம்.ஜி.ஆர். திரைப்பட மற்றும் தொலைக்காட்சி பயிற்சி நிறுவன மாணவர்களுக்கான விருதுகள் வழங்கும் விழா நாளை (மார்ச் 6) மாலை 6 மணிக்கு சென்னை, ராஜா அண்ணாமலைபுரம், முத்தமிழ்ப் பேரவை, டி.என்.ராஜரத்தினம் கலையரங்கில் நடைபெறவுள்ளது.

தமிழ் வளர்ச்சி மற்றும் செய்தித் துறை அமைச்சர் மு.பெ.சாமிநாதன் விழாவுக்கு தலைமை வகித்து விருதாளர்களுக்குத் தங்கப்பதக்கம், சிறந்த திரைப்படங்களின் தயாரிப்பாளர்களுக்கு காசோலை, நினைவுப் பரிசுகள் மற்றும் சான்றிதழ்களை வழங்க உள்ளார். அமைச்சர்கள் மா.சுப்பிரமணியன், பி.கே.சேகர்பாபு ஆகியோர் கலந்து கொள்ளவுள்ளனர். விழாவில் பரிசு பெறும் 2015-ம் ஆண்டுக்குத் தேர்வு செய்யப்பட்ட கலைஞர்கள் விவரம் பின்வருமாறு:

சிறந்த இயக்குநருக்கான விருது ‘இறுதிச்சுற்று’ திரைப்படத்திற்காக சுதா கொங்கராவிற்கும், சிறந்த உரையாடலாசிரியர் விருது ‘கத்துக்குட்டி’ திரைப்படத்திற்காக இரா.சரவணனுக்கும் வழங்கப்படவுள்ளது.

சிறந்த இயக்குநர் சுதா கொங்கரா, சிறந்த கதாசிரியர் மோகன் ராஜா https://t.co/WciCN2SQmv | #Thanioruvan | #MadhavanR | #SudhaKongara | #MohanRaja | #IrudhiSutru | #TamilnaduGovtAwards | #News7Tamil | #News7TamilUpdates pic.twitter.com/yZIbTynyJ2

— News7 Tamil (@news7tamil) March 4, 2024

சிறந்த இசையமைப்பாளர் விருது ‘உத்தம வில்லன்’ மற்றும் ‘பாபநாசம்’ திரைப்படத்திற்காக ஜிப்ரானுக்கும், சிறந்தப் பாடலாசிரியர் விருது ‘36 வயதினிலே’ திரைப்படத்திற்காக விவேக்கிற்கும், சிறந்த பின்னணிப் பாடகர் விருது ‘வை ராஜா வை’ திரைப்படத்திற்காக கானா பாலாவிற்கும், சிறந்த பின்னணிப் பாடகி விருது ‘36 வயதினிலே’ திரைப்படத்திற்காக கல்பனா ராகவேந்தர்க்கும், சிறந்த பின்னணிக்குரல் (ஆண்) விருது ‘36 வயதினிலே’ திரைப்படத்திற்காக கௌதம் குமார்க்கும், சிறந்த பின்னணிக்குரல் (பெண்) விருது ‘இறுதிச்சுற்று’ திரைப்படத்திற்காக ஆர்.உமா மகேஸ்வரிக்கும் வழங்கப்படவுள்ளது.

2015ம் ஆண்டின் சிறந்த இசையமைப்பாளராக ஜிப்ரான் தேர்வுhttps://t.co/WciCN2SQmv | #Jibran | #BestMusicDirector |#TamilnaduGovtAwards | #News7Tamil | #News7TamilUpdates pic.twitter.com/TYlLjOssZS

— News7 Tamil (@news7tamil) March 4, 2024

தமிழ்நாடு அரசு எம்.ஜி.ஆர் திரைப்படம் மற்றும் தொலைக்காட்சிப் பயிற்சி நிறுவன மாணவர்களுக்கான விருதுகள் (2014 - 2015) சிறந்த இயக்குநருக்கான விருது ‘புர்ரா' திரைப்படத்திற்காக கே.மோகன் குமார்க்கும், சிறந்த ஒளிப்பதிவாளர் விருது ‘கண்ணா மூச்சாலே’ திரைப்படத்திற்காக விக்னேஷ் ராஜகோபாலனுக்கும், சிறந்த ஒலிப்பதிவாளர் விருது ‘கண்ணா மூச்சாலே’ திரைப்படத்திற்காக வி.சதிஷ்க்கும், சிறந்த படத்தொகுப்பாளர் விருது ‘பறை’ திரைப்படத்திற்காக ஏ.முரளிக்கும், சிறந்த படம் பதனிடுவர் விருது ‘கிளிக்’ திரைப்படத்திற்காக வி.சந்தோஷ்குமார்க்கும் வழங்கப்படவுள்ளது.

விருது வழங்கும் விழாவில், மொத்தம் 39 விருதாளர்களுக்குக் காசோலையும், விருதாளர்களின் பெயர் பொறித்த தங்கப்பதக்கம், நினைவுப்பரிசு மற்றும் சான்றிதழ்களும் வழங்கப்படும்.