#ProKabaddiLeague | பெங்கால் வாரியர்ஸ் - தபாங் டெல்லி அணிகள் இன்று மோதல்!

புரோ கபடி லீக் போட்டியின் இன்றைய ஆட்டத்தில் பெங்கால் வாரியர்ஸ் – தபாங் டெல்லி மற்றும் ஹரியானா ஸ்டீலர்ஸ் - குஜராத் ஜெயண்ட்ஸ் அணிகள் மோதுகின்றன.

11-வது புரோ கபடி லீக் போட்டி ஐதராபாத்தில் கடந்த 18ம் தேதி தொடங்கியது. இதில் பங்கேற்றுள்ள 12 அணிகள் தங்களுக்குள் தலா 2 முறை மோத வேண்டும். லீக் சுற்று முடிவில் முதல் 6 இடங்களை பிடிக்கும் அணிகள் ‘பிளே-ஆப்’ சுற்றுக்கு தகுதி பெறும். லீக்கில் ‘டாப்-2’ இடங்களை வசப்படுத்தும் அணிகள் நேரடியாக அரையிறுதிக்குள் அடியெடுத்து வைக்கும். 3 முதல் 6 இடங்களை பெறும் அணிகள் வெளியேற்றுதல் சுற்றில் மோதி அதில் வெற்றி பெறும் 2 அணிகள் அரையிறுதிக்கு தகுதி பெறும்.

இந்நிலையில், இந்த தொடரில் இன்று 2 லீக் ஆட்டங்கள் நடைபெறுகின்றன. அதில் இரவு 8 மணிக்கு தொடங்கும் ஆட்டத்தில் பெங்கால் வாரியர்ஸ் - தபாங் டெல்லி அணிகள் மோத உள்ளன. இதனைத் தொடர்ந்து இரவு 9 மணிக்கு தொடங்கும் மற்றொரு ஆட்டத்தில் ஹரியானா ஸ்டீலர்ஸ் - குஜராத் ஜெயண்ட்ஸ் அணிகள் மோத உள்ளன.

இதையும் படியுங்கள் : திருச்செந்தூரில் இன்று மாலை சூரசம்ஹாரம் | குவியும் லட்சக்கணக்கான பக்தர்கள்

இந்த தொடரில் இதுவரை நடந்துள்ள லீக் ஆட்டங்களின் முடிவில் புள்ளிப்பட்டியலில் பெங்கால் வாரியர்ஸ் 8வது இடத்திலும், அரியானா ஸ்டீலர்ஸ் 9வது இடத்திலும், தபாங் டெல்லி 10வது இடத்திலும், குஜராத் ஜெயண்ட்ஸ் 12வது இடத்திலும் உள்ளது குறிப்பிடதக்கது.