'பேபி ஜான்' படத்தின் ஃபர்ஸ்ட் சிங்கிள் புரோமோ வீடியோ வெளியீடு!

'பேபி ஜான்' திரைப்படத்தின் ஃபர்ஸ்ட் சிங்கிளின் புரோமோ வீடியோவை இசையமைப்பாளர் தமன் வெளியிட்டார்.

ஷங்கரின் உதவி இயக்குநராக அறிமுகமாகி, இன்று பல ஹிட் திரைப்படங்களை இயக்கி வருபவர் பிரபல இயக்குனர் அட்லி. இவர் 'ஜவான்' திரைப்படம் மூலம் பாலிவுட்டில் இயக்குநராக அறிமுகமானார். இந்த திரைப்படம் ரூ.1,000 கோடிக்கும் அதிகமான வசூலை குவித்தது. தற்போது பாலிவுட்டில் அட்லி மற்றும் அவரது மனைவி பிரியாவின் ஏ பார் ஆப்பிள் ஸ்டுடியோஸ், ஜியோ ஸ்டுடியோஸ் மற்றும் முராத் கெதானியின் சினி-1 ஸ்டுடியோஸ் ஆகியவை இணைந்து "பேபி ஜான்" என்ற படத்தை தயாரித்துள்ளன.

கடந்த 2016ம் ஆண்டு விஜய் நடிப்பில் அட்லி இயக்கத்தில் உருவான திரைப்படம் 'தெறி'. இந்த திரைப்படம் மிகப்பெரிய வெற்றி பெற்ற நிலையில் இந்த படம் இந்தியில் தற்போது உருவாகியுள்ளது. அட்லியின் உதவி இயக்குநர்களில் ஒருவரான காலிஸ் என்பவர் இயக்கி வரும் இந்த திரைப்படத்தில் விஜய் நடித்த வேடத்தில் பிரபல பாலிவுட் நடிகர் வருண் தவான் நடிக்கிறார்.

இதையும் படியுங்கள் : பொங்கல் திருநாளன்று CA தேர்வு – “தமிழ்ப் பண்பாட்டை அவமதிக்கும் செயலை கைவிட வேண்டும்” – மத்திய அரசை சாடிய சு.வெங்கடேசன் எம்.பி

இந்த திரைப்படத்தின் நாயகிகளாக கீர்த்தி சுரேஷ் மற்றும் வாமிகா கபி ஆகியோர் நடித்து வருகின்றனர். மைக்கேல் படத்தின் ஒளிப்பதிவாளர் கிரண் கவுஷிக் ஒளிப்பதிவாளராக பணியாற்றுகிறார். இசையமைப்பாளர் தமன் இந்தப் படத்துக்கு இசையமைத்துள்ளார். இப்படம் கிறிஸ்துமஸ் விடுமுறையை முன்னிட்டு டிசம்பர் 25 -ம் தேதி ரிலீஸ் ஆகிறது.

இந்த திரைப்படத்தின் டீசர் ஏற்கனவே வெளியாகி பெரும் வரவேற்பை பெற்றது. பேபி ஜான் படத்தின் 'நைன் மடாக்கா' என்ற பர்ஸ்ட் சிங்கிள் நாளை வெளியாகும் என படக்குழு புதிய போஸ்டர் ஒன்றை வெளியிட்டு அதிகாரபூர்வமாக அறிவித்திருந்தது. இந்த நிலையில் தற்போது இப்படத்தின் ஃபர்ஸ்ட் சிங்கிளின் புரோமோ வீடியோவை இசையமைப்பாளர் தமன் வெளியிட்டுள்ளார்.