ஒரே நாளில் 3 முக்கிய திட்டங்களுக்கு அனுமதி - மத்திய அமைச்சரவையில் எடுக்கப்பட்ட முடிவுகள்!

மரக்காணம் மற்றும் புதுச்சேரி இடையே 2,157 கோடி ரூபாய் செலவில் நான்கு வழி நெடுஞ்சாலை அமைக்க மத்திய அமைச்சரவை ஒப்புதல் அளித்துள்ளது. பிரதமர் நரேந்திர மோடி தலைமையில் நடைபெற்ற கூட்டத்தில் இதற்கான முடிவு எடுக்கப்பட்டது. இந்த நெடுஞ்சாலை, போக்குவரத்து நெரிசலைக் குறைத்து, பயண நேரத்தைக் கணிசமாகக் குறைக்கும் என எதிர்பார்க்கப்படுகிறது.

மத்திய அமைச்சரவை இந்தக் கூட்டத்தில் மேலும் சில முக்கியத் திட்டங்களுக்கும் ஒப்புதல் அளித்துள்ளது. இத்திட்டத்தின் செயல்பாடுகளைத் தொடர்வதற்காக 12,000 கோடி ரூபாய் ஒதுக்கப்பட்டுள்ளது. இத்திட்டத்தின் மூலம், வறுமைக் கோட்டிற்கு கீழ் உள்ள குடும்பங்களுக்கு இலவச சமையல் எரிவாயு இணைப்புகள் வழங்கப்பட்டு வருகின்றன.

இதனை தொடர்ந்து பல்துறை கல்வி மற்றும் தொழில்நுட்பக் கல்வியில் ஆராய்ச்சி மற்றும் மேம்பாட்டிற்காக 4,200 கோடி ரூபாய் ஒதுக்கீடு செய்யப்பட்டுள்ளது. இது நாட்டின் உயர்கல்வி மற்றும் ஆராய்ச்சித் துறையை மேம்படுத்த உதவும்.

மேலும் அசாம் மற்றும் திரிபுரா மாநிலங்களின் வளர்ச்சிக்காக, சிறப்பு மேம்பாட்டுத் தொகுப்புத் திட்டத்தின் கீழ் 4,250 கோடி ரூபாய் ஒதுக்கீடு செய்யப்பட்டுள்ளது. இது இந்த மாநிலங்களின் உள்கட்டமைப்பு மற்றும் வளர்ச்சிப் பணிகளுக்குப் பெரிதும் உதவும்.

இவை அனைத்தும், நாட்டின் உள்கட்டமைப்பு, சமூக நலன் மற்றும் கல்வித் துறைகளில் மத்திய அரசின் கவனம் அதிகரித்திருப்பதைக் காட்டுகின்றன. இந்தத் திட்டங்கள், நாட்டின் பல்வேறு மாநிலங்களின் வளர்ச்சிக்கு ஊக்கமளிக்கும் என்று எதிர்பார்க்கப்படுகிறது.