#AndhraPradesh | இருசக்கர வாகனத்தில் எடுத்து சென்ற பட்டாசுகள் வெடித்து விபத்து - ஒருவர் பலி, 6 பேர் படுகாயம்!

இருசக்கர வாகனத்தில் எடுத்து சென்ற பட்டாசுகள் வெடித்ததில் ஒருவர் உயிரிழந்த சம்பவம் சோகத்தை ஏற்படுத்தியுள்ளது.

ஆந்திர மாநிலம், ஏலூர் பகுதியில் இளைஞர்கள் இருவர் தீபாவளி பண்டிகையை கொண்டாடுவதற்காக பிரத்யேக பட்டாசுகள் மற்றும் வெங்காய வெடிகளை வாங்கிக்கொண்டு நேற்று (அக்.31) இரு சக்கர வாகனத்தில் சென்று கொண்டிருந்தனர். அப்போது, எதிர்பாராத விதமாக அவர்கள் கொண்டு சென்ற பட்டாசுகள் வெடித்துச் சிதறின. இந்த விபத்தில் வாகனத்தை ஓட்டிச் சென்ற துர்காசி சுதாகர் சம்பவ இடத்திலேயே உயிரிழந்தார். மேலும், 6 பேர் படுகாயம் அடைந்தனர்.

இதையும் படிங்கள் : #GoldRate | அதிரடியாக குறைந்த தங்கம் விலை… இன்றைய விலை நிலவரம் என்ன?

இது தொடர்பான சிசிடிவி காட்சிகள் வெளியானது. அதில், இரண்டு இளைஞர்கள் இருசக்கர வானத்தில் சென்றதும், திடீரென பட்டாசுகள் வெடித்துச் சிதறி விபத்து ஏற்பட்டதும் பதிவாகியிருந்தன. இந்த சம்பவத்தின் போது அருகில் நின்றிருந்த சிலரும் இந்த விபத்தில் சிக்கினர். அவர்களுக்கு மருத்துவமனையில் சிகிச்சை அளிக்கப்பட்டு வருகிறது. இந்த விபத்து தொடர்பான வீடியோ இணையத்தில் அதிகமாக பகிரப்பட்டு வருகிறது. தீபாவளி அன்று பட்டாசுகள் வெடித்ததில் ஒருவர் உயிரிழந்த சம்பவம் அப்பகுதியில் பெரும் சோகத்தை ஏற்படுத்தியுள்ளது.