அம்பானி வீட்டுத் திருமணவிழா - அழைப்பிதழ் இல்லாமல் நுழைய முயன்ற 2பேர் கைது!

அம்பானி இல்லத் திருமண விழாவில் அழைப்பிதழ் இல்லாமல் நுழைய முயன்ற 2 பேரை போலீசார் கைது செய்தனர்.

ரிலையன்ஸ் இண்டஸ்ட்ரீஸ் நிறுவனத் தலைவர் முகேஷ் அம்பானியின் இளைய மகன் அனந்த் அம்பானிக்கும், தொழிலதிபர் வீரேன் மெர்ச்சன்ட் மகள் ராதிகா மெர்ச்சன்ட்டுக்கும் மும்பையில் உள்ள ஜியோ உலக மாநாட்டு மையத்தில் திருமணம் நடைபெற்றது.

இவர்களுடைய திருமணம் ஜூலை 12ம் தேதி நடைபெற்றாலும் கடந்த ஒரு மாத காலமாக இவர்களுடைய திருமண நிகழ்ச்சிகள் பிரமாண்டமாக உலகையே வியந்து பார்க்கும் வகையில் நடத்தப்பட்டு வருகிறது. நிச்சயதார்த்தம், திருமணத்திற்கு முந்தைய கொண்டாட்டம், ஹல்தி என கடந்த சில மாதங்களாகவே அம்பானி குடும்பத்தினர் கொண்டாட்டத்தில் உள்ளனர். ஜுலை 12 , 13 மற்றும் 14 ஆகிய தேதிகளில் திருமணம், சுப ஆசீர்வாத், வரவேற்பு அன ஏற்பாடு செய்யப்பட்டிருந்தது.