களத்தில் இறங்கிய விமானப்படை | வெள்ளத்தில் மிதக்கும் பகுதிகளில், ஹெலிகாப்டர்கள் மூலம் நிவாரணப் பொருட்கள் விநியோகம்!
சென்னையில் மிக்ஜாம் புயலால் துண்டிக்கப்பட்ட பகுதிகளில், ஹெலிகாப்டர்கள் மூலம் நிவாரணப் பொருட்களை இந்திய விமானப்படை விநியோகித்தது.
டிசம்பர் 3-ம் தேதி உருவான மிக்ஜாம் புயல் 4ம் தேதி வலுப்பெற்று சென்னை அருகே நிலைகொண்டிருந்தது. இதனால் சென்னை உள்பட 4 மாவட்டங்களில் கனமழை பெய்தது.
இதில், சென்னையின் பல பகுதிகள் பாதிக்கப்பட்டு, பிற பகுதிகளில் இருந்து துண்டிக்கப்பட்டது. இந்நிலையில், தமிழக அரசுடன் இணைந்து, இந்திய விமானப் படை 2 ஹெலிகாப்டர்கள் மூலம் உணவுப் பொட்டலங்கள் மற்றும் உணவுப் பொருட்களை வழங்கியது.
இதன் மூலம் 500-க்கும் மேற்பட்ட உணவுப் பொருட்கள் மற்றும் ரேசன் பொட்டலங்கள் அடையாறு மற்றும் சென்னை துறைமுகம் பகுதியில் விநியோகிக்கப்பட்டன.
நிவாரண பணியில் இராணுவ ஹெலிகாப்டர்!#ChennaiFloods2023 pic.twitter.com/RmsQCbWSRj
— Sivashankar (@Mr_Sivashankar) December 6, 2023
