நடிகை புகார் எதிரொலி: கேரள காங். எம்எல்ஏ கட்சியிலிருந்து நீக்கம்!

கேரளத்தில் நடிகை ரினி ஆன் ஜார்ஜ் என்பவர் சமீபத்தில் ஓர் இளம் அரசியல் தலைவர் தனக்கு ஆபாச குறுஞ்செய்திகள் அனுப்பியதாகவும் ஹோட்டலுக்கு வருமாறு அழைத்ததாகவும் குற்றம்சாட்டியிருந்தார். ஆனால் அவர் அந்த அரசியல் தலைவரின் பெயரை குறிப்பிடவில்லை.

இந்நிலையில்,பெண்ணிய எழுத்தாளர் ஹனி பாஸ்கரன் என்பவர்,பாலக்காடு தொகுதி எம்எல்ஏவும் கேரள மாநில இளைஞரணித் தலைவருமான ராகுல் மாங்கூட்டத்தில் பெயரைக் குறிப்பிட்டு, தனக்கும் அவர் இதுபோன்ற தொல்லை அளித்ததாக பெண்ணிய எழுத்தாளர் ஹனி பாஸ்கரன் சமூக ஊடகத்தில் பதிவிட்டார். இது மாநில அரசியலில் பெரும் பரபரப்பை ஏற்படுத்தியது.

இந்த விவகாரத்தில் பாஜகவும், கேரளத்தை ஆளும் மார்க்சிஸ்ட் கம்யூனிஸ்ட் கட்சியின் டிஒய்எஃப் அமைப்பும், ராகுல் மாங்கூட்டத்தில் தனது எம்எல்ஏ பதவியை ராஜிநாமா செய்ய வலியுறுத்தி தொடர்போராட்டங்கள் நடத்தின. இதனைதொடர்ந்து அவர் கடந்த வியாழக்கிழமை, தனது கேரள இளைஞர் காங்கிரஸ் தலைவர் பதவியை விட்டு விலகுவதாக ராகுல் மாங்கூட்டத்தில் வியாழக்கிழமை அறிவித்தார்.

இந்த நிலையில் கேரள காங்கிரஸ் கமிட்டி ராகுல் மாங்கூட்டத்திலை காங்கிரஸ் கட்சியில் இருந்து 6 மாதங்களுக்கு இடைநீக்கம் செய்து உத்தரவிட்டுள்ளது.