#ActorNani நடித்த சூர்யாவின் சனிக்கிழமை - ரூ.52 கோடி வசூலித்து சாதனை!
நடிகர் நானியின் சூர்யாவின் சனிக்கிழமை திரைப்படம் உலகளவில் வசூலில் 52 கோடி ரூபாயை கடந்துள்ளதாக படக்குழு அதிகாரப்பூர்வமாக அறிவித்துள்ளது.
நானி நடிப்பில் தெலுங்கில் வெளியான திரைப்படம் ‘சரிபோதா சனிவாரம்’. ‘அந்தே சுந்தரானிகி’ திரைப்படத்தின் இயக்குநர் விவேக் ஆத்ரேயா இயக்கியுள்ள படம் தான் ‘சரிபோதா சனிவாரம்’. தமிழில் ‘சூர்யாவின் சனிக்கிழமை’ என தலைப்பிடப்பட்டுள்ளது. இதனை ‘ஆர்ஆர்ஆர்’ படத்தை தயாரித்த டிவிவி என்டர்டெயின்மென்ட்ஸ் தயாரித்துள்ளது.
![](https://news7tamil.live/wp-content/uploads/2024/09/image-31.png)
இதில் நானி, எஸ்.ஜே.சூர்யா, பிரியங்கா மோகன் பிரதான கதாபாத்திரங்களில் நடித்துள்ளனர். இப்படத்திற்கு ஜேக்ஸ் பிஜாய் இசையமைத்துள்ளார். இப்படத்தில் பெண் காவல் அதிகாரியாக, சாருலதா என்ற கதாப்பாத்திரத்தில் நடித்துள்ளார்.
மேலும் இப்படத்தில் எஸ்.ஜே சூர்யா வில்லனாக நடித்துள்ளார். இந்த திரைப்படம் கடந்த 29 ஆம் தேதி வெளியாகி மக்களிடையே நல்ல வரவேற்பை பெற்று வருகிறது.
தமிழிலும் திரைப்படம் நல்ல வரவேற்பை பெற்றுள்ளது. இந்த நிலையில் இந்த திரைப்படத்தின் தற்போதையது வரையிலான வசூல் விவரங்கள் குறித்து படக்குழு அதிகாரப்பூர்வமாக அறிவித்துள்ளது. அதன்படி திரைப்படம் உலகளவில் வசூலில் 52 கோடி ரூபாயை கடந்துள்ளது. சென்னையில் இன்று பெரும்பான்மையான திரையரங்களில் ஹவுஸ் ஃபுல்லாக ஓடிக்கொண்டு இருக்கிறது என்பது குறிப்பிடத்தக்கது.