ரூ.700க்கு Thar car வாங்க ஆசைப்பட்ட சிறுவன்... ஆனந்த் மஹேந்திரா கொடுத்த இன்ப அதிர்ச்சி!

இதற்கு நெட்டிசன்கள் பல்வேறு பதிவுகளை வெளியிட்டனர். “ரூ.700-ஐச் செலுத்தி Thar car-ஐ முன்பதிவு செய்யும் நபர்களுக்கு அதிர்ஷ்ட குலுக்கல் போட்டியை வைக்கலாம்” எனவும், “ஐயா, குழந்தையின் விருப்பம் நிறைவேறும் வகையில் அவருக்கு கார் ஒன்றைப் பரிசாகக் கொடுங்கள். அவருடைய சாண்டாவாக இருங்கள்”, “அந்தக் குழந்தை எதுவும் அறியாமல், எந்தவித எதிர்பார்ப்பும் இல்லாமல் உங்கள் பிராண்டை விரும்பியுள்ளது. அதுவே தற்போது விளம்பரமாக மாறியிருக்கிறது. தயவுசெய்து கார் ஒன்றைப் பரிசாக வழங்கலாம்” எனத் தெரிவித்தனர்.

CHEEKU goes to CHAKAN.

From a viral video to a real-life adventure…Cheeku, the young Thar enthusiast, visited our Chakan plant, bringing smiles and inspiration with him.

Thank you @ashakharga1 and Team @mahindraauto for hosting one of our best brand ambassadors!

(And I’m… pic.twitter.com/GngnUDLd8X

— anand mahindra (@anandmahindra) February 1, 2024

சிக்குவின் காரை வாங்கும் விருப்பத்தை மஹிந்திராவால் வழங்க முடியவில்லை என்றாலும், தார் கார் தயாரிக்கப்படும் சாக்கன் ஆலைக்கு அவர் வருகை தர ஏற்பாடு செய்தார் ஆனந்த் மஹேந்திரா. கார் பாகங்கள் எவ்வாறு தயாரிக்கப்படுகின்றன என்பதை கூட சிக்குவிற்கு பணியாளர்கள் விளக்குகிறார். சிக்கு கார் உற்பத்தி பற்றி உற்சாகமாக கற்றுக்கொள்வதை ஆனந்த் மஹேந்திரா தனது ட்விட்டர் (எக்ஸ்) பக்கத்தில் வெளியிட்டுள்ள வீடியோவில் காணலாம்.

இதுகுறித்து ஆனந்த் மஹேந்திரா வெளியிட்டுள்ள பதிவில் “சிக்கு சாக்கன் ஆலைக்கு சென்றுள்ளார். வைரலான வீடியோவிலிருந்து நிஜ வாழ்க்கை சாகசம் வரை… இளம் தார் ஆர்வலரான சீக்கு, எங்களின் சக்கன் ஆலைக்கு, அவருடைய புன்னகையையும் உத்வேகத்தையும் கொண்டுவந்தார்.

எங்கள் சிறந்த பிராண்ட் தூதுவர்களில் ஒருவரை ஹோஸ்ட் செய்ததற்காக mahindraauto குழுவிற்கு நன்றி (இந்த முயற்சி அவனுடைய அப்பாவிடம் ரூ.700க்கு ஒரு தார் வாங்கித் தரும்படி கேட்பதிலிருந்து அவனைத் தடுக்கும் என்று நம்புகிறேன்!)” என நகைச்சுவையாக பதிவிட்டுள்ளார்.