"ஒரு நாளைக்கு ஒரு லட்சம் சம்பாதிக்கலாம்" - சுதாமூர்த்தியின் பெயரில் பரவும் வீடியோ உண்மையா?

This news Fact Checked by 'Telugu Post'

ஒரு நாளைக்கு ஒரு லட்சம் சம்பாதிக்கலாம் என சுதாமூர்த்தியின் சொன்னதாக பேஸ்புக்கில் ஒரு வீடியோ வைரலானது. குவாண்ட்ரம் ஏஐ' திட்டத்தை உருவாக்கியுள்ளதாகவும் அதனை விளம்பரப்படுத்தும் நோக்கிலும் வெளியான வீடியோவின் உண்மைத் தன்மை குறித்து விரிவாக காணலாம்.

பிரபல எழுத்தாளரும், இன்ஃபோசிஸ் தலைவரான சுதாமூர்த்தி சமீபத்தில் பேசியதாக, 3.34 வினாடிகள் கொண்ட வீடியோ ஒன்று சமூக வலைதளங்களில் வைரலானது. அந்த வீடியோவில் சுதாமூர்த்தி மக்கள் ஒரு நாளைக்கு ரூ 1,00,000 சம்பாதிக்கும் திட்டத்தை விளம்பரப்படுத்தும் பேச்சு இடம்பெற்றுள்ளது. இந்த வீடியோவில் ” மக்கள் குறைந்தபட்சம் ஒரு லட்சம் ரூபாய் சம்பாதிக்கும் வகையில் ``குவாண்ட்ரம் ஏஐ' திட்டத்தை உருவாக்கியுள்ளோம், இந்த திட்டத்தை பயன்படுத்திக் கொள்ளுங்கள். நான் எதையும் எதிர்பார்க்கவில்லை, பொய்யான வாக்குறுதிகளை அளிக்கவில்லை” எனப் பேசிய அவர் Quantum AI நிரலை ஃபோன் அல்லது கம்ப்யூட்டரில் இருந்து செய்ய முடியும் என தெரிவித்துள்ளார்.

நிதிச் சந்தையில், AI-அடிப்படையிலான தொழில்நுட்பத்தை உள்ளடக்கிய ``Quantrum AI'' திட்டம், சந்தைப் போக்குகளை பகுப்பாய்வு செய்ய உதவுவது மட்டுமல்லாமல், உங்கள் வெற்றியையும் உறுதி செய்கிறது. இந்த வசதியைப் பெற நீங்கள் முதலில் ʼQuantrum AIʼ இணையதளத்திற்குச் சென்று உங்களுக்குத் தேவையான விவரங்களை உள்ளிட வேண்டும். நிறுவனத்தின் தனிப்பட்ட மேலாளர் உங்களைத் தொடர்புகொண்டு, உங்களிடம் உள்ள அனைத்து கேள்விகளுக்கும் பதிலளித்து, தளத்திற்கான அணுகலை வழங்குவார்” என அவர் பேசும் வீடியோவை காணலாம். அதன் ஸ்கிரீன் ஷாட்டும் கீழே கொடுக்கப்பட்டுள்ளது.

உண்மைச் சரிபார்ப்பு:

சமூக ஊடக பயனர்களை தவறாக வழிநடத்தும் வகையில் வைரலான வீடியோவில் உள்ளடக்கம் இருப்பதால் அதனை ஆய்வுக்கு உட்படுத்தினோம். வைரலான செய்திகள் குறித்த உண்மையை அறிய வீடியோவின் சில முக்கியமான கீஃப்ரேம்களைப் பயன்படுத்தி தேடினோம். தேடலில் சுதாமூர்த்தியின் அசல் வீடியோவை யூடியூப் சேனலான ʼMohamad Ahsan Library' இல் இரண்டு ஆண்டுகளுக்கு முன்பு நவம்பர் 30, 2021 அன்று கண்டோம். இந்த வீடியோவை நாம் கூர்ந்து கவனித்தால், வைரலான வீடியோவில் அவர் அணிந்திருக்கும் சேலை மற்றும் வீடியோவில் உள்ள பின்னணி இரண்டையும் ஒப்பிட்டுப் பார்த்தோம். குழந்தைகளை ஆடம்பரமாக வளர்ப்பது எல்லாவற்றிலும் அவர்களுக்கு திருப்தியற்றதாக இருக்கும் - சுதா மூர்த்தி என்கிற தலைப்புடன் வீடியோ பகிரப்பட்டிருப்பதைக் காணலாம். இந்த வீடியோவில், குழந்தைகளை அதீத பாசம் மற்றும் ஆடம்பரமாக வளர்த்தால், அவர்கள் எல்லாவற்றிலும் அதிருப்தி அடைவார்கள் என அவர் பேசுகிறார்.

மேலும் உண்மைகளை அறிய வைரலான வீடியோவில் இடம்பெற்ற சில முக்கிய வார்த்தைகளையும் கூகுளில் தேடியதில் எந்த தகவலும் கிடைக்கவில்லை. எனவே சுதாமூர்த்தி 'குவாண்ட்ரம் ஏஐ' திட்டத்தை விளம்பரப்படுத்துகிறார் என்பதை நிரூபிக்கும் எந்த அதிகாரப்பூர்வ வலைத்தளத்தையும் அல்லது வீடியோ பதிவேற்றப்பட்ட எந்த முறையான இணையதளத்தையும் கிடைக்கவில்லை. அதுமட்டுமின்றி வைரலான வீடியோவை கூர்ந்து கவனித்தால் அந்த வீடியோவுக்கும் ஆடியோவுக்கும் எந்த பொருத்தமும் தெரிவதில்லை.

இன்வேடின் ஹியா ஆடியோ கண்டறிதல் கருவி மூலம் வீடியோவில் உள்ள ஆடியோவைச் சரிபார்த்தோம். தேடுதலில், வைரலான ஆடியோ போலியானது மற்றும் AI ஆல் உருவாக்கப்பட்டது என்பது தெளிவாகத் தெரிந்தது. சுதா மூர்த்தியின் குரலை வீடியோவுடன் பொருத்த AI குரல் குளோனிங் பயன்படுத்தப்பட்டுள்ளது. வைரல் வீடியோவில் உள்ள குரல் AI ஆல் உருவாக்கப்பட்டது என்பதை இடதுபுறத்தில் உள்ள வரைபடம் காட்டுகிறது என்று Hia ஆடியோ தெரிவித்துள்ளது. நான்கு வினாடிகளில் இருந்து முழு ஆடியோவிலும் AI-உருவாக்கப்பட்ட ஒலியைக் காணலாம். விரும்பினால், சந்தேகம் உள்ள ஆடியோவின் பகுதியை டிரிம் செய்து, துல்லியமாக மீண்டும் சோதிக்கலாம் என்பதை இந்த அறிக்கையில் காணலாம்.

வைரலாகப் பரவிய சுதாமூர்த்தியின் வீடியோவில் " https://inirliff.com/ " என்ற இணைப்பையும் பார்க்கலாம் . நாராயண மூர்த்தியின் படத்துடன் உள்ள இணைப்பைக் கிளிக் செய்தால், ₹21,000 முதலீடு செய்யும் இந்தியக் குடிமக்களுக்கு ₹2,000,000 வருமானத்தை உறுதி செய்யும் திட்டம். `தி டைம்ஸ் ஆஃப் இந்தியா' வெளியிட்ட அறிக்கை, ``திட்டத்திற்கான பதிவு நவம்பர் 24 ஆம் தேதி முடிவடையும்'' என்ற தலைப்பில் உள்ளது. உண்மையில், 'தி டைம்ஸ் ஆஃப் இந்தியா' இந்த செய்தி தொடர்பான எந்த அறிக்கையையும் பகிர்ந்து கொள்ளவில்லை.

மேலும் உண்மைகளை அறிய கூகுள் ரிவர்ஸ் இமேஜ் சர்ச் மூலம் நாராயண மூர்த்தியின் வைரலான வீடியோவின் கீ பிரேமை தேடியபோது, ​​யூடியூப் சேனலில் சிஎன்பிசி-டிவி18 எக்ஸ்க்ளூசிவ் கிடைத்தது. நாராயண மூர்த்தி தனது வாரத்தில் 70 மணி நேரம் வேலை செய்ய வேண்டும் என ஆலோசனை என CNBC TV18' என்ற தலைப்பில் ஒரு வீடியோவைக் காணலாம் . சுதா மூர்த்தி குறிப்பிட்டதையே நாம் https://inirliff.com/ இணையதளத்தில் பார்க்கக்கூடிய நாராயண மூர்த்தியின் வைரல் வீடியோவில் பார்க்கலாம். இதனால் காணொளியும் ஆடியோவும் உள்வாங்கப்படாமல் இருப்பதைக் காணலாம்.

முடிவு :

எனவே வைரலான வீடியோ சமூக ஊடக பயனர்களை தவறாக வழிநடத்துகிறது . ண்மையில், சுதாமூர்த்தியின் வீடியோ செயற்கை நுண்ணறிவை (AI) பயன்படுத்தி உருவாக்கப்பட்டது என்பது நிரூபிக்கப்பட்டுள்ளது.

Note : This story was originally published by 'Telugu Post' and translated by ‘News7 Tamil’ as part of the Shakti Collective.