#Vidaamuyarchi டீசர் ரிலீஸ் எப்போது? வெளியான தகவல்!

அஜித்குமார் நடித்துள்ள ‘விடாமுயற்சி’ படத்தின் டீசர் நவ.10 ஆம் தேதி வெளியாகும் என தகவல் வெளியாகியுள்ளது.

மகிழ்திருமேனி இயக்கத்தில் அஜித்குமார் நடித்துள்ள திரைப்படம் ‘விடாமுயற்சி’. லைகா நிறுவனம் தயாரிக்கும் இந்தப் படத்திற்கு அனிருத் இசை அமைத்துள்ளார். இத்திரைப்படத்தில் த்ரிஷா, அர்ஜுன், ரெஜினா, ஆரவ் உட்பட பலர் நடித்துள்ளனர். இதன் படப்பிடிப்பு கடந்த ஆண்டு அஜர்பைஜானில் தொடங்கியது. சுமார் 30 நாட்களுக்கு மேல் அங்கு படப்பிடிப்பு நடைபெற்ற நிலையில் அஜர்பைஜான் ஷெட்யூல் நிறைவடைந்தாக ஜூலை 22ம் தேதி படக்குழு அறிவித்தது.

இது தொடர்பாக சமூக வலைதளத்தில் புகைப்படம் மற்றும் வீடியோ ஒன்றை பகிர்ந்திருந்தது. அதில் நடிகர் அஜித் உட்பட படக்குழுவினர் இடம்பெற்றிருந்தனர். அதன் பின்னர், இந்தப் படத்தின் படப்பிடிப்பு பல்வேறு மாநிலங்களில் நடைபெற்றது. இப்படத்தில் நடித்துள்ள அர்ஜுன், ஆரவ், ரெஜினா கசாண்ட்ரா உள்ளிட்டோரின் தோற்ற போஸ்டரை படக்குழு வெளியிட்டது. சமீப நாட்களாக விடாமுயற்சி படத்தின் அப்டேட் எதுவும் வெளியாகவில்லை. இந்த சூழலில் இத்திரைப்படத்தின் டப்பிங் பணிகளை தொடங்கியுள்ளதாக படக்குழு நேற்று அறிவித்தது.

இந்த நிலையில், விடாமுயற்சி திரைப்படத்தின் டீசர் ரிலீஸ் தொடர்பான தகவல் வெளியாகி உள்ளது. அதன்படி, விடாமுயற்சி டீசர் வருகிற நவ.10 ஆம் தேதி வெளியாகும் என கூறப்படுகிறது. தற்போது, நடிகர் அஜித்குமார் குட் பேட் அக்லி திரைப்படத்திலும் நடித்து வருவது குறிப்பிடத்தக்கது.