குபேரா திரைப்படத்தின் டீசர் எப்போது ? - அப்டேட் கொடுத்த படக்குழு!

தனுஷ் நடிப்பில் உருவாகும் குபேரா திரைப்படத்தின் டீசரை வரும் 15ம் தேதி வெளியாகும் என அறிவிக்கப்பட்டுள்ளது.

'ராயன்' திரைப்படத்தை தொடர்ந்து தனுஷ் தற்போது சேகர் கம்முலா இயக்கத்தில் 'குபேரா' திரைப்படத்தில் நடித்து வருகிறார். 'குபேரா' திரைப்படம் தனுஷின் 51-வது திரைப்படமாக உருவாகிறது. ஸ்ரீவெங்கடேஸ்வரா சினிமாஸ் தயாரிக்கும் இப்படம் தமிழ், தெலுங்கு, இந்தி என மூன்று மொழிகளில் ஒரே நேரத்தில் உருவாகிறது. இந்த திரைப்படத்தின் கதாநாயகியாக ராஷ்மிகா மந்தனா நடிக்க தெலுங்கு முன்னணி நடிகர் நாகார்ஜுனா முக்கிய கதாபாத்திரத்தில் நடிக்கிறார். தேவி ஸ்ரீபிரசாத் இசையமைக்கிறார்.

இதையும் படியுங்கள் : #Amaran | ராஜபாளையம் அருகே 5 கிராமங்களை சேர்ந்த 500 நபர்களுக்கு இலவச டிக்கெட் வழங்கிய படக்குழு!

இந்த திரைப்படத்தின் படப்பிடிப்பு திருப்பதி, தாய்லாந்து, மும்பை பகுதிகளில் நடைபெற்று முடிந்தது. தற்போது அடுத்தக்கட்ட படப்பிடிப்பு ஐதராபாத்தில் துவங்கியுள்ளது. சமீபத்தில் பர்ஸ்ட் லுக் போஸ்டர் இன்று வெளியானது. தொடர்ந்து நாகார்ஜுனா, ராஷ்மிகா மந்தனா ஆகியோரின் கதாபாத்திர அறிமுக வீடியோ வெளியாகி வரவேற்பை பெற்றது.

இதற்கிடையில், திரைப்படத்தின் டீசரை வரும் 15-ம் தேதி வெளியிடுவதாகத் தயாரிப்பு நிறுவனம் அறிவித்துள்ளது. இந்நிலையில் தற்போது நடிகை ராஷ்மிகா மந்தனா இந்த திரைப்படம் குறித்த அப்டேட் ஒன்றை வெளியிட்டுள்ளார். அதில் இன்னும் 5 நாட்களில் இப்படத்தின் முதல் கிளிம்ஸ் வீடியோ வெளியாகும் என்று தெரிவித்துள்ளார்.