பைசன் ஃபர்ஸ்ட் லுக் எப்போது? - புதிய போஸ்டர் வெளியிட்டு படக்குழு அறிவிப்பு!

மாரி செல்வராஜ் - துருவ் விக்ரம்  கூட்டணியில் உருவாகி வரும் திரைப்படம் ‘பைசன் -காளமாடன்’. பா.ரஞ்சித்தின் நீலம் ஸ்டுடியோஸ் மற்றும் அப்ளாஸ் என்டர்டெயின்மென்ட் ஆகிய நிறுவனங்கள் இணைந்து தயாரித்து வருகின்றனர். இப்படத்தில் அனுபமா பரமேஷ்வரன், லால், பசுபதி, ரஜிஷா விஜயன், கலையரசன் உள்ளிட்டோர் பலர் நடித்துள்ளனர். நிவாஸ் கே.பிரசன்னா இப்படத்திற்கு இசையமைக்கிறார்.

அர்ஜுனா விருது வென்ற தூத்துக்குடியைச் சேர்ந்த கபடி வீரர் மணத்தி கணேசன் வாழ்க்கையை மையமாக கொண்டு இப்படம் உருவாகி வருவதாக கூறப்படுகிறது.  இப்படத்தின் படப்பிடிப்பு கடந்த பிப்ரவரி மாதம் நிறைவடைந்தது. இதற்கிடையில் படத்தின் ஓடிடி உரிமத்தை நெட் ஃபிளிக்ஸ் கைப்பற்றியது.  இதையடுத்து இப்படத்தின் ஃபர்ஸ்ட் லுக் குறித்த அப்டேட்டை படக்குழு பகிர்ந்தது.

இந்த நிலையில் இப்படத்தின் ஃபர்ஸ்ட் லுக் நாளை(மார்ச்.06) வெளியாகும் என படக்குழு தெரிவித்துள்ளது. இது தொடர்பாக படக்குழு வெளியிட்டுள்ள போஸ்டரில் நாளை மாலை 5 மணிக்கு இப்படத்தின் ஃபர்ஸ்ட் லுக் போஸ்டர் வெளியாகும் என குறிப்பிடப்பட்டுள்ளது.