பிரயாக்ராஜ் மகாகும்பமேளாவில் லட்சக்கணக்கான பலூன்கள் பறக்க விடப்பட்டதா? - Fact Check

This News Fact Checked by ‘AajTak’

பிரயாக்ராஜில் நடந்து வரும் மகாகும்பமேளாவில்  இதுவரை 10 கோடிக்கும் அதிகமானோர் பங்கேற்றுள்ளதாக தகவல் வெளியாகியுள்ளது. இதற்கிடையில், இணையத்தில் ஒரு வீடியோ பரவலாகப் பகிரப்பட்டு வருகிறது. இந்த வீடியோவைப் பகிர்ந்த சிலர் இது பிரயாக்ராஜின் மஹாகும்ப மேளாவில் எடுக்கப்பட்ட வீடியோ என குறிப்பிட்டுள்ளனர். பலர் ஒரே நேரத்தில் பல பலூன்களை காற்றில் பறக்க விடுவது போன்ற வீடியோ மிக உயரத்தில் இருந்து பதிவு செய்யப்பட்டுள்ளது.

ஃபேஸ்புக் மற்றும் இன்ஸ்டாகிராமில் பகிரப்படும் வீடியோவில் "ஜெய் ஸ்ரீ ராம். இந்தியாவின் கோடிக்கணக்கான இந்துக்கள் ஒன்றாக வானத்தில் பலூன்களை விடுகிறார்கள்" என்று எழுதப்பட்டுள்ளது.  ஆஜ்தக் உண்மைச் சரிபார்ப்பில் இந்த வீடியோ மஹாகும்பமேளாவில் எடுக்கப்பட்டது அல்ல என்றும் இது இந்தியாவைச் சேர்ந்தது அல்ல என்று கண்டறியப்பட்டுள்ளது. சீனாவின் நான்சாங் நகரில் கொண்டாடப்பட்ட புத்தாண்டு கொண்டாட்டத்தின் காணொளி இது என்பதும் உறுதியாகியுள்ளது.

உண்மைச் சரிபார்ப்பு : 

வைரலான வீடியோவின் கீஃப்ரேம்களைத் கூகுள் ரிவர்ஸ் இமேஜ் மூலம் தேடுதலுக்கு உட்படுத்தியபோது  ஜனவரி 1. 2025 அன்று Facebook இல் பதிவேற்றப்பட்டதைக் கண்டறிந்தோம். அந்த வீடியோ சீனாவில் இருந்து பதிவு செய்யப்பட்டதாக கூறப்படுகிறது. வீடியோவில் காணப்பட்ட ஒரு கட்டிடத்தில் "புத்தாண்டு 2025" என்றும் சீன மொழியில் எழுதப்பட்டுள்ளது.

ஜனவரி 1 ஆம் தேதி வைரல் வீடியோவைப் பகிர்ந்த ஒரு Instagram பயனர் இது சீனாவின் நான்சாங் நகரத்தைச் சேர்ந்தது என்றும் விவரித்தார். சீன வலைத்தளமான Xigua இல்  கொண்டாட்டத்தின் இதே போன்ற வீடியோக்களையும் நாங்கள் கண்டறிந்தோம். இந்த கொண்டாட்டம் நான்சாங்கின் ஜாங்ஷான் சாலையில் கொண்டாடப்பட்டதாக இங்கே கூறப்பட்டுள்ளது.

இந்த தகவலின் உதவியுடன். YouTube மற்றும் Facebook இல் இதுபோன்ற பல இடுகைகளைக் கண்டோம், அதில் வைரல் வீடியோக்கள் உள்ளன. இந்த பதிவுகள் அனைத்திலும் சீனாவில் புத்தாண்டு கொண்டாட்டங்கள் தொடர்பான வீடியோ விவரிக்கப்பட்டுள்ளது. டிரிப் அட்வைசரில் ஜாங்ஷன் சாலையில் அமைந்துள்ள கடைகளைத் தேடினோம்.ரெயின்போ ஸ்டோர் என்ற கடையைக் கண்டோம். கூகுள் மேப்ஸில் உள்ள இந்தக் கடையின் படங்களை வைரல் வீடியோவுடன் ஒப்பிட்டுப் பார்த்தால், இரண்டுமே ஒரே இடத்தைக் காட்டுகின்றன என்பது தெளிவாகிறது.

இதனுடன், பிரயாக்ராஜில் நடைபெற்று வரும் மகாகும் பத்தின் போது நூற்றுக்கணக்கான பலூன்கள் இவ்வாறு பறக்கவிடப்பட்டதாக நம்பத்தகுந்த செய்திகள் எதனையும் காணவில்லை. எனவே சீனாவில் புத்தாண்டு கொண்டாட்டத்தின் காணொலி மஹாகும்பம் என பகிரப்படுகிறது.

Note : This story was originally published by ‘AajTak’ and Translated by ‘News7 Tamil’ as part of the Shakti Collective.