எர்ரகடா மருத்துவமனையில் மனநோயாளிகளின் நிலையில் என வைரலாகும் வீடியோ - உண்மை என்ன?
This news Fact Checked by Newsmeter
எர்ரகடா மனநல மருத்துவமனையின் வார்டில் கம்பிகளுக்குப் பின்னால் கிழிந்த உடைகள் மனநோயாளிகள் போல் இருப்பதாக சமூக வலைதளங்களில் வீடியோ வெளியானது. இதுகுறித்த உண்மைத் தன்மையை விரிவாக காணலாம்.
(பொறுப்புத் துறப்பு: இந்த உண்மைச் சரிபார்ப்பில் மனநல நிறுவனங்கள் பற்றிய தவறான தகவல்கள் உள்ளன. மன ஆரோக்கியம் ஒரு முக்கியமான ஒன்று என்பதை நாங்கள் கவனத்தில் கொள்கிறோம். இந்தச் செய்தியில் பாரம்பரிய முறைகளை ஊக்குவிக்காமல் அல்லது மனநல நிலைமைகளை களங்கப்படுத்தாமல் தெளிவுபடுத்துவதை மட்டுமே நோக்கமாகக் கொண்டுள்ளோம். உங்களுக்கோ அல்லது உங்களுக்குத் தெரிந்தவருக்கோ மனநலன் தொடர்பான ஆதரவு தேவைப்பட்டால், மனநல நிபுணரிடம் உதவி பெறவும். )
மருத்துவமனை வார்டில் கம்பிகளுக்குப் பின்னால் கிழிந்த உடைகள் மனநோயாளிகள் போல் தோற்றமளிக்கும் வீடியோ ஒன்று வைரலாகி வருகிறது. இது எர்ரகடா மனநல மருத்துவமனையின் காட்சிகள் என் உரிமைகோரல்களுடன் வீடியோ பகிரப்படுகிறது. இந்த வீடியோவில், மருத்துவமனை வார்டைச் சுற்றி வேலி அமைக்கப்பட்டிருப்பதைக் காணலாம். மருத்துவமனை கவுன் அணிந்தவர்கள் அந்த வார்டில் படுக்கைகளில் காணப்படுகிறார்கள். மறுபுறம், கிழிந்த ஆடைகளை அணிந்திருப்பவர்களையும் கம்பிகளுக்குப் பின்னால் பூட்டப்பட்ட நிலையிலும் நாம் காணலாம்.
"இதுதான் எர்ரகடா மனநல மருத்துவமனை…" என்ற தலைப்பில் வீடியோ பேஸ்புக்கில் பகிரப்பட்டது. இதுகுறித்து உண்மை சோதனைக்கு உட்படுத்தியதில் நியூஸ்மீட்டர் இந்த கூற்று தவறானது என்று கண்டறிந்தது. வீடியோவில் உள்ள முழு அமைப்பும் மேற்கு வங்காளத்தில் உள்ள துர்கா பூஜை பந்தலின் ஒரு பகுதியாகும். வீடியோ கீப்ரேம்களை வைத்து கூகுள் ரிவர்ஸ் இமேஜ் தேடலுக்கு உட்படுத்தினோம். இதன் முடிவில் YouTube இல் பதிவேற்றப்பட்ட வீடியோவைக் கண்டறிந்தோம் . இந்த வீடியோ 2024 அக்டோபர் 12. 'மன நலன் பாதிக்கப்பட்டவர்களை காட்சிப்படுத்தும் தீம் அடிப்படையிலான பூஜா பந்தல் || சாந்தன் சங்க || கூச்பெஹார் என்ற தலைப்புடன் பதிவேற்றப்பட்டது. யூடியூப் வீடியோவில் வைரலான வீடியோவில் காணப்படும் காட்சிகளையும் காட்டுகிறது. வீடியோக்களுக்கு இடையிலான ஒப்பீடுகளை கீழே உள்ள படத்தில் காணலாம். அதாவது இரண்டு வீடியோக்களும் ஒரே சம்பவத்துடன் தொடர்புடையவை.
YouTube வீடியோ தலைப்புகளில் முன்னணியில் இருந்ததைத் தொடர்ந்து, அக்டோபர் 14 அன்று டெலிகிராப் இந்தியா வெளியிட்ட கட்டுரையைக் கண்டோம். "பெஹாலா பைட் கிளப்' , குரங்கு மனநல மருத்துவமனை தீம் என துர்கா பூஜையின் வேடிக்கையான பந்தல்கள் - 2024 என்ற தலைப்பில் கட்டுரை வெளியிடப்பட்டது. இந்த கட்டுரையில், "பக்லா கரோட்' தீம்" என்று பெயரிடப்பட்ட வைரல் வீடியோவின் ஸ்கிரீன் ஷாட்களைக் காணலாம். "கூச்பெஹாரில் உள்ள ஒரு பந்தல், பக்லகரோட் (பெங்காலி மொழியில் மனநல மருத்துவமனை என்று பொருள்) என்ற கருப்பொருளுடன், மனநோய் பற்றிய கொச்சையான சித்தரிப்புக்காக சமூக ஊடகங்களில் சீற்றத்தைத் தூண்டியுள்ளது. மனநலம் பாதிக்கப்பட்ட நோயாளிகள் மருத்துவமனை ஆடைகளை அணிந்து இந்த பந்தலில் இடம்பெற்றிருந்தனர்.
மேற்கு வங்கத்தில் உள்ள கூச் பெஹாரில் உள்ள துர்கா பூஜை 'மனநல மருத்துவமனை' கருப்பொருள் பந்தல் அமைப்பில் இருந்து வைரலான வீடியோவை டெலிகிராப் அறிக்கை உறுதிப்படுத்தியுள்ளது. எனவே, இது ஹைதராபாத்தில் உள்ள எர்ரகடா இன்ஸ்டிடியூட் ஆப் மென்டல் ஹெல்த் நோயாளிகளின் நிலை என வீடியோவில் காட்டப்படுவது தவறானது என்பதை நியூஸ்மீட்டர் உறுதிப்படுத்தியுள்ளது.
முடிவு :
எர்ரகடா மனநல மருத்துவமனையின் வார்டில் கம்பிகளுக்குப் பின்னால் கிழிந்த உடைகள் மனநோயாளிகள் போல் இருப்பதாக சமூக வலைதளங்களில் வீடியோ வெளியானது.மேற்கு வங்கத்தில் உள்ள கூச் பெஹாரில் உள்ள துர்கா பூஜை 'மனநல மருத்துவமனை' கருப்பொருள் பந்தல் என்பதை நியூஸ்மீட்டர் உறுதிப்படுத்தியுள்ளது. இந்த கூற்று தவறானது.
Note : This story was originally published by Newsmeter and Translated by ‘News7 Tamil’ as part of the Shakti Collective.