Viral | Porsche GT3 காரை சோதனை செய்த நடிகர் #AjithKumar!

நடிகர் அஜித்குமார் துபாய் ஆட்டோட்ரோம் சர்க்யூட்டில் Porsche GT3 காரை ஓட்டி சோதனை செய்தார்.

நடிகர் அஜித்குமார் தற்போது மகிழ்திருமேனி இயக்கத்தில் ‘விடாமுயற்சி’திரைப்படத்தில் நடித்துள்ளார். லைகா நிறுவனம் தயாரிக்கும் இந்தப் படத்திற்கு அனிருத் இசை அமைத்துள்ளார். இத்திரைப்படத்தில் த்ரிஷா, அர்ஜுன், ரெஜினா, ஆரவ் உட்பட பலர் நடித்துள்ளனர். இத்திரைப்படத்தின் டப்பிங் பணிகளை தொடங்கியுள்ளதாக படக்குழு நேற்று அறிவித்தது.

இதற்கிடையே, ஆதிக் ரவிச்சந்திரன் இயக்கத்தில் ‘குட் பேட் அக்லி’ திரைப்படத்தில் நடித்து வருகிறார் அஜித் குமார். நடிகர் அஜித்குமார் கார், பைக் ரேஸ் ஓட்டுவதில் அதிகம் ஆர்வம் காட்டுபவர் என்பது நம் அனைவருக்கும் தெரியும். நேரம் கிடைக்கும் போதெல்லாம் நடிகர் அஜித்குமார் பைக் அல்லது கார் ரைடு சென்று விடுவார்.

அவ்வப்போது, இவர் கார், பைக் ரேஸ் ஓட்டும் வீடியோக்கள் இணையத்தில் வெளியாகி வைராகும். இந்த நிலையில், நடிகர் அஜித்குமார் துபாய் ஆட்டோட்ரோம் சர்க்யூட்டில் Porsche GT3 காரை ஓட்டி சோதனை செய்தார். இது தொடர்பான புகைப்படங்கள் மற்றும் வீடியோ இணையத்தில் வெளியாகி உள்ளது. மேலும், இவை இணையத்தில் அதிகம் பகிரப்பட்டு வருகிறது.