ஓடிடியில் வெளியானது விஜய் ஆண்டனியின் #Hitler!

விஜய் ஆண்டனி நடிப்பில் உருவான ‘ஹிட்லர்’ திரைப்படம் ஓடிடியில் வெளியாகியுள்ளது.

இசையமைப்பாளராக தன்னுடைய சினிமா வாழ்க்கையை துவங்கியவர் விஜய் ஆண்டனி. இவர் தொடர்ந்து நடிகர், தயாரிப்பாளர், பாடகர், இயக்குநர் என பன்முகம் காட்டி வருகிறார். சமீபத்தில் இவரது நடிப்பில் வெளியான ‘ரோமியோ’, ‘மழை பிடிக்காத மனிதன்’ திரைப்படங்கள் கலவையான விமர்சனங்களை பெற்றன.

இதனையடுத்து,‘படைவீரன்’, ‘வானம் கொட்டட்டும்’ உள்ளிட்ட திரைப்படங்களை இயக்கிய தனா இயக்கத்தில் ‘ஹிட்லர்’ என்கிற புதிய திரைப்படத்திலும் விஜய் ஆண்டனி நடித்திருந்த்தார். இப்படத்தில் ரியா சுமன் நாயகியாக நடித்திருந்தார். முக்கிய கதாபாத்திரத்தில் இயக்குநர் கௌதம் மேனன் நடித்துள்ளார். இவர்களுடன் ரெடின் கிங்ஸ்லி, விவேக் பிரசன்னா, ஆடுகளம் நரேன், இயக்குநர் தமிழ் ஆகியோர் இணைந்து நடித்திருந்தனர்.

இத்திரைப்படம் கடந்த செப்.27ம் தேதி திரையரங்குகளில் வெளியான நிலையில் ரசிகர்கள் மத்தியில் கலவையான விமர்சனங்களை பெற்றது. இந்த நிலையில், இந்த திரைப்படம் அமேசான் பிரைம் ஓடிடி தளத்தில் தமிழ், தெலுங்கு, மலையாளம், கன்னடம் ஆகிய மொழிகளில் வெளியாகியுள்ளது.