காவி ஆடை அணிந்தவர் பெண்ணிடம் தவறாக நடந்து கொள்ளும் வீடியோ வைரல் - உண்மை என்ன?

This news Fact checked by Vishvas News

காவி நிற உடை அணிந்த ஆண் ஒருவர் பெண்ணிடம் தவறாக நடந்து கொள்ள முயற்சிக்கும் வீடியோ சமூக வலைதளங்களில் வைரலானது. இதுகுறித்த உண்மைத் தன்மையை விரிவாக காணலாம்.

காவி நிற உடை அணிந்த ஆண் ஒருவர் பெண்ணிடம் தவறாக நடந்து கொள்ள முயற்சிக்கும் வீடியோ சமூக வலைதளங்களில் வைரலாகி வருகிறது. அந்த வீடியோ பகிரப்பட்டு அவர் ஒரு போலி பாபாவாக தன்னைக் காட்டிக்கொண்டு சிகிச்சை என்ற பெயரில் பெண்ணிடம் தவறாக நடக்க முயன்றதாக கூறப்படுகிறது. விஸ்வாஸ் நியூஸ் நடத்திய விசாரணையில் வைரலான கூற்று தவறானது என்று கண்டறிந்துள்ளது. இது திரைக் கலைஞர்களால் இணைந்து ஸ்கிரிப்ட் செய்யப்பட்ட வீடியோ என்றும் இந்த வீடியோவில் உண்மை இல்லை என்றும் தெரியவந்துள்ளது.

வைரலான வீடியோவைப் பகிர்ந்த  ​​ஃபேஸ்புக் பயனர் தலைப்பில், “புனிதர்கள் காவி உடை மற்றும் கடவுள் என்ற போர்வையில் இந்துத்துவாவை வலுப்படுத்துவதை பாருங்கள், சங்கி மனப்பான்மை கொண்ட ஒரு சாமியார் சிக்கினார், ஜெய் இந்துத்வா..! ” என பதிவிடப்பட்டிருந்தது. இடுகையின் காப்பக இணைப்பை இங்கே பார்க்கவும் .

உண்மை சரிபார்ப்பு :

வைரல் வீடியோவின் உண்மையை அறிய, பல கீஃப்ரேம்களை பிரித்தெடுத்து, கூகுள் ரிவர்ஸ் இமேஜ்கள் மூலம் தேடினோம். அஷ்வினி பாண்டேயின் அதிகாரப்பூர்வ யூடியூப் சேனலில் வைரலான வீடியோவின் நீண்ட பதிப்பைக் கண்டோம். வீடியோ 27 செப்டம்பர் 2023 அன்று பதிவேற்றப்பட்டது. வீடியோவில் மறுப்பு 0.16 வினாடிகளில் கொடுக்கப்பட்டுள்ளது. இந்த வீடியோ கலைஞர்களால் திரைக்கதை செய்யப்பட்டு உருவாக்கப்பட்டதாக மறுப்பு தெரிவிக்கிறது. 

விசாரணையை மேற்கொண்டு, அஷ்வினி பாண்டேயின் அதிகாரப்பூர்வ யூடியூப்  சேனலைத்  தேடினோம். சேனலில் இதே போன்ற ஸ்கிரிப்ட் செய்யப்பட்ட வீடியோக்கள் இருப்பதைக் கண்டறிந்தோம். மேலும் தகவலுக்கு அஷ்வினி பாண்டேவை தொடர்பு கொண்டோம். வைரலானது தவறானது என்றும் இந்த வீடியோ ஸ்கிரிப்ட் செய்யப்பட்டது என்றும் அவர் எங்களிடம் கூறினார்.

அஸ்வினி பாண்டேயின் சேனலின் வீடியோக்கள் ஏற்கனவே தவறான கூற்றுகளுடன் வைரலாகியுள்ளன. முன்னதாக, தந்தை-மகள் திருமணத்தின் ஸ்கிரிப்ட் பொய்யான கூற்றுகளுடன் வைரலானது. முழு அறிக்கையையும்  இங்கே படிக்கலாம் . இதன்படி தவறான உரிமைகோரலுடன் வீடியோவைப் பகிர்ந்த பயனரின் கணக்கை ஸ்கேன் செய்தோம். 7.5 ஆயிரம் பேர் பயனரைப் பின்தொடர்கின்றனர். ஒரு குறிப்பிட்ட சித்தாந்தத்தை பின் தொடர்பவரான உள்நோக்கத்தோடு இந்த இடுகையைப் பகிர்ந்துள்ளார் என்பது தெரிய வந்துள்ளது.

முடிவு:

காவி நிற உடை அணிந்த ஆண் ஒருவர் பெண்ணிடம் தவறாக நடந்து கொள்ள முயற்சிக்கும் வீடியோ சமூக வலைதளங்களில் வைரலானது. விஸ்வாஸ் நியூஸ் தனது விசாரணையில், போலி பாபாவின் பெயரில் வைரலான வீடியோ குறித்து கூறப்படுவது தவறானது என்றும் இது கலைஞர்கள் இணைந்து ஸ்கிரிப்ட் செய்யப்பட்ட வீடியோ என்றும் தெரியவந்துள்ளது. அதன்படி இந்த வீடியோவில் உண்மை இல்லை என்பது உறுதியாகியுள்ளது.

Note : This story was originally published by Vishvas News and translated by ‘News7 Tamil’ as part of the Shakti Collective.