"உசுரே நீதானே நீதானே” - ‘ #Raayan ’ படத்தின் ‘அடங்காத அசுரன்’ வீடியோ பாடல் நாளை வெளியீடு!

‘ராயன்’ படத்தின் ‘அடங்காத அசுரன்’ வீடியோ பாடல் நாளை காலை 11 மணிக்கு வெளியாகும் என பட நிறுவனம் அறிவித்துள்ளது.  

நடிகர் தனுஷின் 50வது திரைப்படம் ராயன். இதனை அவரே இயக்கி நடித்தும் இருந்தார். பெரிதும் எதிர்பார்ப்பில் வெளிவந்த இப்படம் மக்கள் மத்தியில் அமோக வரவேற்பை பெற்றது. நடிகர் தனுஷிற்கு அவருடைய 25வது படம் வேலையில்லா பட்டதாரி எப்படி அமைந்ததோ, அதே போல் தற்போது 50வது படம் ராயன் மாபெரும் அளவில் வெற்றியை தேடி கொடுத்துள்ளது.

சன் பிக்சர்ஸ் நிறுவனம் தயாரித்த இப்படத்திற்கு ஏ.ஆர். ரஹ்மான் இசையமைத்திருந்தார். இப்படத்தில் தனுஷுடன் இணைந்து முதல் முறையாக எஸ்.ஜே. சூர்யா வில்லனாக நடித்திருந்தார். மேலும் துஷாரா விஜயன், சந்தீப் கிஷன், காளிதாஸ் ஜெயராம், சரவணன், பிரகாஷ் ராஜ், அபர்ணா பாலமுரளி என பல நட்சத்திரங்கள் நடித்திருந்தனர்.

இந்த நிலையில், ராயன் திரைப்படம் இதுவரை உலகளவில் செய்துள்ள வசூல் குறித்து தகவல் வெளியாகியுள்ளது. அதன்படி, இப்படம் உலகளவில் இதுவரை ரூ. 155 கோடி வரை வசூல் செய்துள்ளது என தகவல் வெளியாகியுள்ளது.  இந்நிலையில், ‘ராயன்’ படத்தின் ‘அடங்காத அசுரன்’ வீடியோ பாடல் நாளை காலை 11 மணிக்கு வெளியாகும் என பட நிறுவனம் அறிவித்துள்ளது.