“உன்கூட சேர்ந்தா போதும் புள்ள” - #NEEK படத்தின் 4வது பாடல் வெளியானது!

பிரபல நடிகரும், இயக்குநருமான தனுஷ் இயக்கத்தில் அடுத்து வெளியாகவுள்ள திரைப்படம் ‘நிலவுக்கு என் மேல் என்னடி கோபம்’. இப்படத்திற்கு ஜீ.வி.பிரகாஷ் இசையமைத்துள்ளார். தனுஷ் தனது சொந்த நிறுவனமான வுண்டர்பார் நிறுவனம் (Wunderbar films) மூலம் இப்படத்தை தயாரித்துள்ளார்.

இப்படத்தில் தனுஷின் சகோதரி மகன் பவிஷ் ஹீரோவாக அறிமுகமாகிறார். மேலும், விஸ்வாசம் படம் மூலம் பிரபலமடைந்த அனிகா சுரேந்திரன், ப்ரியா வாரியர், மேத்யூ தாமஸ் உள்ளிட்ட பலர் இப்படத்தில் நடித்துள்ளனர். இப்படம் வருகிற பிப்ரவரி 21ஆம் தேதி திரையங்குகளில் வெளியாகவுள்ளது.

ஜி.வி.பிரகாஷ் குமார் இசையமைத்துள்ள இப்படத்திலிருந்து இதுவரை ‘கோல்டன் ஸ்பாரோ...’, ‘காதல் ஃபெயில்’, ‘யெடி ’, ஆகிய  மூன்று பாடல்கள் வெளியாகி ரசிகர்களிடையே கவனம் பெற்றது.

இந்த நிலையில் இப்படத்தின் நான்காவது பாடல் தற்போது வெளியாகியுள்ளது. இப்பாடலை தனுஷ் எழுதியிருக்க ஜி.வி.பிரகாஷ் குமார் பாடியுள்ளார்.