விசிக சார்பில் திருமாவளவன், ரவிக்குமார் மீண்டும் போட்டி!

“நடைபெறவுள்ள நாடாளுமன்ற தேர்தலில் பானை சின்னத்தில் போட்டியிடுகிறோம். விழுப்புரம் தொகுதியில் மீண்டும் ரவிக்குமார் போட்டியிடுகிறார். சிதம்பரம் தொகுதியில் திருமாவளவன் போட்டி. சிதம்பரம் தொகுதியில் நான் 6 வது முறையாக போட்டியிடுகிறேன். இந்தியா கூட்டணிக்கு ஆதரவு அதிகரித்து வருகிறது. 10 ஆண்டுகால ஆட்சியில் இருந்த பாஜக நாட்டின் வளர்ச்சி பற்றி பேசினார்களே, தவிர அதை கண்கூடாக பார்க்க முடியவில்லை. ஆனால் அம்பானி, ஆதானி போன்றவர்கள் பணக்காரர்கள் பட்டியலில் உயர்ந்துள்ளார்கள். 

நாட்டின் பொருளாதாரம் மோசமான நிலையில் உள்ளது. ஆனால் அதானி, அம்பானி வளர்ச்சி அடைந்துள்ளனர். பாரதிய ஜனதா கட்சியை வீழ்த்துவது தான் மக்களின் வேட்கையாக உள்ளது. பாஜகவினர் EVM வைத்து ஆட்சியை கைப்பற்ற நினைக்கிறார்கள். அதனால் மக்கள் 100% வாக்களிக்க வேண்டும். பாஜக 2வது பெரிய சக்தியாக மாற முயற்சிக்கிறது. பெரியாரை அவமதிக்கிறார்கள். வள்ளுவருக்கு காவி பூசி அவமதிக்கிறார்கள்.

திமுக-அதிமுக தனி தனியே போட்டியிட்டாலும், சமூக நீதி என்றால் ஒன்றாக போராடுவார்கள். பாஜக கூட்டணியில் பாமாக இணைவது அவர்கள் விருப்பம். OBC மற்றும் MBC மக்களுக்கு விசிக அரணாக இருந்து வருகிறது. திமுக அணியில் 2018 இருந்து ஒரே அணியாக இருக்கிறோம். 0 1 என்றால் ஒரு மதிப்பு தான். பாஜக 0 பாட்டாளி மக்கள் 1 என்றாலும் எண்ணிக்கை அதிகரிக்க போவதில்லை. தமிழ்நாட்டில் பாஜக கால் ஊன்ற நினைப்பது புதிதல்ல” இவ்வாறு தெரிவித்தார்.