‘ஜாலியோ ஜிம்கானா’ படத்தின் ‘ஊசி ரோசி’ பாடல் வெளியானது!

நடிகர் பிரபுதேவா நடிப்பில் உருவாகி உள்ள ‘ஜாலியோ ஜிம்கானா’ படத்தின் இரண்டாம் பாடலான ‘ஊசி ரோசி’ பாடல் வெளியாகி உள்ளது.

நடன இயக்குநரும், நடிகருமான பிரபுதேவா நடிப்பில் கடைசியாக வெளிவந்த திரைப்படம் பேட்ட ராப். இத்திரைப்படம் மக்களிடையே கலவையான விமர்சனத்தைப் பெற்றது. இதைத்தொடர்ந்து முசாசி, ஃபளாஷ் பேக், வுல்ஃப் போன்ற படங்களில் நடித்து வருகிறார். இது மட்டுமில்லாமல் இயக்குநர் சக்தி சிதம்பரம் இயக்கத்தில் நகைச்சுவை திரைப்படமான ‘ஜாலியோ ஜிம்கானா’ திரைப்படத்தில் நடித்துள்ளார்.

இப்படத்தில் மடோனா செபாஸ்டியன், அபிராமி, யோகி பாபு, ரெடின் கிங்ஸ்லி, ரோபோ சங்கர், சாய் தீனா, யாஷிகா ஆனந்த் மற்றும் மதுசுதன் ஆகியோர் நடித்துள்ளனர். இப்படம் வரும் 22ஆம் தேதி வெளியாக உள்ளதாக படக்குழு அறிவித்துள்ளது.

சமீபத்தில் இப்படத்தின் முதல் பாடலான “போலிஸ் காரன கட்டிக்கிட்டா” வெளியாகி நல்ல வரவேற்பைப் பெற்றது. இந்நிலையில் இப்படத்தின் இரண்டாம் பாடலான ‘ஊசி ரோசி’ பாடல் வெளியாகி உள்ளது. இப்பாடலை நடிகர் ஆர்யா மற்றும் நடிகை ப்ரியா ஆனந்த் ஆகியோர் தங்கள் எக்ஸ் பக்கத்தில் வெளியிட்டுள்ளனர். இப்பாடலை ஜி.வி.பிரகாஷ் குமார் பாடியுள்ளார்.