கங்குவா படத்தின் முதல் நாள் வசூல் - அதிகாரப்பூர்வமாக அறிவித்த படக்குழு!

‘கங்குவா’ படம் உலகளவில் ரூ.58.62 கோடிக்கு மேல் வசூலித்துள்ளதாக படக்குழு அறிவித்துள்ளது.

சிறுத்தை சிவா இயக்கத்தில் சூர்யா நடிப்பில் உருவாகியுள்ள திரைப்படம் ‘கங்குவா’. இப்படத்தை ஸ்டூடியோ கிரீன் மற்றும் யுவி கிரியேஷன்ஸ் இணைந்து தயாரிக்க திஷா பதானி, பாபி தியோல், யோகி பாபு, கிங்ஸ்லி, கோவை சரளா, ஆனந்த் ராஜ் உள்ளிட்ட பலர் முக்கிய கதாபாத்திரங்களில் நடித்துள்ளனர். இப்படத்திற்கு தேவி ஸ்ரீபிரசாத் இசையமைத்துள்ளார்.

மிகப்பெரிய திரைப்படமாக உருவாகியுள்ள இப்படம், பெரும் எதிர்பார்ப்புகளுக்கு மத்தியில் நேற்று (நவ.14) திரையரங்குகளில் வெளியானது. இத்திரைப்படம் ரசிகர்கள் மத்தியில் கலவையான விமர்சனங்களை பெற்றுள்ளது.

இதையும் படியுங்கள் : சபரிமலை செல்வோருக்கு சிறப்பு பேருந்து | அரசு விரைவு போக்குவரத்து துறையின் முக்கிய அறிவிப்பு!

இந்நிலையில், கங்குவா திரைப்படத்தின் வசூல் குறித்து அதிகாரபூர்வ தகவல் வெளியாகி உள்ளது. அதன்படி, இந்த திரைப்படம் உலகம் முழுவதும் ரூ.58.62 கோடி வசூலித்துள்ளதாக படக்குழு அறிவித்துள்ளது.