தம்பி ராமையாவின் 'ராஜாகிளி' திரைபடத்தின் புதிய அப்டேட் வெளியீடு!

தம்பி ராமையாவின் 'ராஜாகிளி' திரைபடத்தின் இந்த ஆண்டு ஆகஸ்ட் மாதம் வெளியாகும் என்று அதிகாரப்பூர்வமாக அறிவித்துள்ளனர்.

தமிழ் சினிமாவில் நகைச்சுவை நடிகராக வலம் வருபவர் தம்பி ராமையா.  ஏற்கனவே சமுத்திரகனி தம்பி ராமையா,  ஆகியோர் இணைந்து சாட்டை,  அப்பா,  வினோதய சித்தம் போன்ற திரைப்படங்களில் நடித்திருந்த நிலையில் தற்போது மீண்டும் ராஜாகிளி என்ற புதிய படத்தில் இணைந்து நடித்துள்ளனர்.

'மாநாடு',  'கங்காரு',  'மிகமிக அவசரம்' உள்ளிட்ட படங்களை தயாரித்த வி ஹவுஸ் புரொடக்சன்ஸ் சார்பில் தயாரிப்பாளர் சுரேஷ் காமாட்சி இப்படத்தை தயாரித்துள்ளார். இப்படத்தின் கதையின் நாயகனாக சமுத்திரக்கனியும்,  கதாநாயகிகளாக சுவேடா ஷ்ரிம்ப்டன், மியாஸ்ரீ சவுமியா ஆகியோர் நடிக்கின்றனர்.  மேலும் முக்கிய வேடங்களில் எம்.எஸ்.பாஸ்கர், பழ.கருப்பையா, இளவரசு, ஆடுகளம் நரேன், பிரவின்.ஜி, இயக்குனர் மூர்த்தி, 'கும்கி' அஸ்வின், ரேஷ்மா, வெற்றிக்குமரன், 'கும்கி' தரணி, தீபா, பாடகர் கிரிஷ், ஜி.பி.முத்து உள்ளிட்ட பலர் நடித்துள்ளனர்.

இதையும் படியுங்கள் : விஷச்சாராயத்தால் பறிபோகும் பார்வை… வெளியான அதிர்ச்சி தகவல்!

இந்த திரைப்படத்தை தம்பி ராமையாவின் மகன் உமாபதி ராமையா இயக்கியுள்ளார். இப்படத்திற்கு கதை , வசனம், திரைக்கதை, பாடல்வரிகள் உள்ளிட்டவற்றில் தம்பி ராமையா பணியாற்றியுள்ளார்.  மேலும் திரைப்படத்திற்கு கேதர்நாத் ஒளிப்பதிவு செய்துள்ளார்.  நேற்று (ஜூன் 19) தம்பி ராமையாவின் பிறந்தநாளை முன்னிட்டு பட குழுவினர் புதிய போஸ்டர் ஒன்றை வெளியிட்டனர். ராஜாகிளி திரைப்படமானது 2024 ஆகஸ்ட் மாதத்தில் வெளியாகும் என்று அதிகாரப்பூர்வமாக அறிவித்துள்ளனர். எனவே திரைப்படம் தொடர்பான அடுத்தடுத்த அப்டேட்டுகள் விரைவில் வெளியாகும் என்று எதிர்பாரக்கப்படுகிறது.