புயல் நிவாரண உதவிகள் - தொண்டு நிறுவனங்களுடன் இணைந்து உதவிகளை வழங்கிய நியூஸ்7 தமிழ் அன்பு பாலம்!
மிக்ஜாம் புயல், வெள்ளத்தால் பாதிக்கப்பட்ட மக்களுக்கு தொண்டு நிறுவனங்களுடன் இணைந்து மணலி பகுதி மக்களுக்கு நியூஸ்7 தமிழ் அன்பு பாலம் சார்பில் நலத்திட்ட உதவிகள் வழங்கப்பட்டன.
மிக்ஜாம் புயல் சென்னை, செங்கல்பட்டு, காஞ்சிபுரம், திருவள்ளூர் ஆகிய 4 மாவட்டங்களில் பெரும் சேதத்தை ஏற்படுத்தியது. புயலுடன் கூடிய கனமழையால், பல்வேறு பகுதிகள் வெள்ளத்தில் மூழ்கின. அரசு அதிகாரிகள், மீட்புப் படையினரின் தொடர் முயற்சியால், பாதிக்கப்பட்ட பல்வேறு பகுதிகளை இயல்பு நிலைக்கு கொண்டுவர பல்வேறு முயறிசிகளை மேற்கொண்டு வருகின்றனர். இன்னும் மழைநீர் தேங்கியுள்ள பகுதிகளில், அதனை வெளியேற்றும் பணிகள் நடைபெற்று வருகின்றன.
மிக்ஜாம் புயல் மற்றும் வெள்ளப்பெருக்கால் பாதிக்கப்பட்ட மணலி புதுநகர் பகுதியில் வசிக்கும் சுமார் 50 குடும்பங்களை தேர்ந்தெடுத்து, ஒய் ஆர் சி யூனிட் புது கல்லூரி, மற்றும் திருவொற்றியூர் டி வி எம் சேவா பாலம், தொண்டு நிறுவனங்களுடன் இணைந்து நியூஸ் 7 தமிழ் அன்பு பாலம் அவர்களுக்கு தேவையான நலத்திட்ட உதவிகளை வழங்கியது.