இளநீர் விற்கும் தாய்க்கு ராணுவ உடையில் சல்யூட் அடித்து சர்பிரைஸ் செய்த மகன் - வைரலாகும் வீடியோ உண்மைதானா?

This News Fact Checked by ‘Factly’

ரயில்வே ஸ்டேஷனில் இளநீர் விற்கும் தனது தாயை அவருக்கே தெரியாமல் ராணுவ உடையில் மாஸ்க் அணிந்து வந்து அவரது மகன் சர்பிரைஸ் கொடுக்கும் வீடியோ ஒன்று சமூக வலைதளங்களில் வைரலானது. இதுகுறித்து உண்மைத் தன்மையை அறிவோம்.

சில தினங்களாக சமூக ஊடகங்களில் ஒரு வீடியோ வைரலாகியது. அதனை உண்மையென நம்பி பலரும் உணர்ச்சி பொங்க பகிரவும் செய்தனர். ஒரு ரயில்வே ஸ்டேஷனில் இளநீர் விற்கும் தனது தாயை அவருக்கே தெரியாமல் ராணுவ உடையில் மாஸ்க் அணிந்து வந்து அவரது மகன் சர்பிரைஸ் கொடுக்கிறார். பின்னர் அவருக்கு சல்யூட் அடித்து, தனது தாயை ஆச்சர்யத்திற்கு உள்ளாக்குகிறார். இச்சம்பவம் உண்மையானது என பலர் பதிவிட்டு பகிரவும் செய்தனர். இந்தக் கட்டுரையில் வீடியோவின் பின்னணியில் உள்ள உண்மையைச் சரிபார்ப்போம்.

உண்மை சரிபார்ப்பு :

வைரல் வீடியோவின் கீஃப்ரேம்களின் ரிவர்ஸ் இமேஜ் தேடலுக்கு உட்படுத்தியபோது அது 12 நவம்பர் 2024 அன்று, நடிகை சஞ்சனா கல்ராணியால், “இந்த அம்மாவுக்கு சல்யூட்” என்ற தலைப்பில், ஃபேஸ்புக்கில் பதிவேற்றப்பட்ட அசல் வீடியோவை காண்பித்தது. வீடியோவின் தலைப்பிலும் முடிவிலும் Disclaimer ( பொறுப்பு துறப்பு ) சேர்க்கப்பட்டுள்ளதை கவனித்தோம்.

அதில் " இந்த வீடியோவை பார்த்ததற்கு நன்றி! இந்தப் பக்கத்தில் ஸ்கிரிப்ட் செய்யப்பட்ட நாடகங்கள், பகடிகள் மற்றும் விழிப்புணர்வு வீடியோக்கள் உள்ளன என்பதை நினைவில் கொள்ளவும். இந்த குறும்படங்கள் பொழுதுபோக்கு மற்றும் கல்வி நோக்கங்களுக்காக மட்டுமே உருவாக்கப்பட்டுள்ளன. வீடியோக்களில் சித்தரிக்கப்பட்ட அனைத்து கதாபாத்திரங்களும், சூழ்நிலைகளும் கற்பனையானவை மற்றும் விழிப்புணர்வை ஏற்படுத்தவும், மகிழ்விக்கவும், கல்வி கற்பதையும் நோக்கமாகக் கொண்டவை.” என தெரிவிக்கப்பட்டிருந்தன.

15 நவம்பர் 2024 அன்று பதிவேற்றப்பட்ட “3RD EYE” YouTube சேனலில் அதே வீடியோவை முழுமையாக கண்டோம். "3RD EYE" கல்வி நோக்கங்களுக்காக ஸ்கிரிப்ட் செய்யப்பட்ட வீடியோக்களை உருவாக்குகிறது, மேலும் வீடியோ மற்றும் அதன் விளக்கம் இரண்டும் இது பொழுதுபோக்கு மற்றும் கல்விக்காக உருவாக்கப்பட்டதாக கூறுகிறது. 
மற்ற வீடியோக்களில் உள்ள இதே போன்ற மறுப்புகள் உள்ளன. அதேபோல வைரலான வீடியோ ஸ்கிரிப்ட் மற்றும் கற்பனையானது என்பதை உறுதிப்படுத்துகிறது.

பொழுதுபோக்கிற்காகவும் கல்விக்காகவும் உருவாக்கப்பட்ட "3rd Eye" வீடியோக்களை உள்ளடக்கிய இதேபோன்ற வீடியோக்களை பேக்ட்லி முன்பே மறுத்துள்ளது. அதுவும் அப்போது வைரலாக மாறிய ஒன்றுதான்.

முடிவு :

ரயில் நிலையத்தில் இளநீர் விற்கும் தனது தாயை ஆச்சரியப்படுத்தும் விதமாக இராணுவ வீரர் ஒருவர் மாஸ்க் அணிந்து வந்து சஸ்பென்ஸ் கொடுப்பதாக பரவும் வீடியோ ஒரு ஸ்கிரிப்ட் வீடியோ, ஒரு உண்மை சம்பவம் போல பொய்யாக பகிரப்பட்டது என்றும் உறுதியாகியுள்ளது. இது 12 நவம்பர் 2024 அன்று நடிகை சஞ்சனா கல்ராணியால் ஃபேஸ்புக்கில் பதிவேற்றப்பட்ட கல்வி நோக்கங்களுக்காக உருவாக்கப்பட்ட ஸ்கிரிப்ட் வீடியோ. அசல் வீடியோவில் ஸ்கிரிப்ட் செய்யப்பட்ட நாடகங்கள், கேலிக்கூத்துகள் மற்றும் விழிப்புணர்வு வீடியோக்கள் உள்ளன என்று ஒரு மறுப்பு உள்ளது. மற்ற வீடியோக்களில் உள்ள இதே போன்ற மறுப்புகள் வைரலான வீடியோ ஸ்கிரிப்ட் மற்றும் கற்பனையானது என்பதை உறுதிப்படுத்துகிறது. எனவே இந்த பதிவில் கூறப்பட்ட கூற்று  தவறானது .

Note : This story was originally published by ‘Factly’ and translated by ‘News7 Tamil’ as part of the Shakti Collective.