5 நாட்களில் இத்தனை கோடியா? வசூல் வேட்டையில் கலக்கும் ராயன்!

தனுஷ் நடிப்பில் வெளியாகியுள்ள ராயன் திரைப்படம் இந்திய அளவில் 5 நாட்களில் ரூ.50 கோடி வசூல் செய்துள்ளது. 

தமிழ் சினிமாவின் நடிகர்களில் தனுஷ் ரொம்பவே வித்தியாசமானவர். தென்னிந்தியா, பாலிவுட் எல்லாம் தாண்டி ஹாலிவுட் வரை தனது நடிப்பு எல்லையை விரிவுபடுத்தியவர். இன்னொரு பக்கம் நடிப்பையும் தாண்டி தயாரிப்பாளர், பாடலாசிரியர், பாடகர் மற்றும் இயக்குநர் என இன்னும் பல முகங்கள் அவருக்கு உண்டு.

‘பவர் பாண்டி’ படத்தின் மூலமாக இயக்குநராக அறிமுகமான தனுஷ், ஒரு சிறிய இடைவெளிக்கு பிறகு தற்போது தனது 50-வது படமாக ‘ராயன்’ படத்தை தானே இயக்கி நடித்துள்ளார். இப்படத்தில் அவருடன் இணைந்து துஷாரா விஜயன், சந்தீப் கிஷன், காளிதாஸ் ஜெயராம், பிரகாஷ் ராஜ், அபர்ணா பாலமுரளி உள்ளிட்ட பலரும் நடித்துள்ளனர்.

கடந்த 26ஆம் தேதி திரைக்கு வந்த நிலையில் ‘ராயன்’ வசூல் வேட்டையில் கலக்கி வருகிறது. படம் வெளியாகி நேற்றுடன் 5 நாட்கள் ஆகும் நிலையில் உலகளவில் ரூ.90 கோடியை தொட்டுள்ளது. இந்திய அளவில் ரூ.52.95 கோடி வசூல் செய்துள்ளது.