ரஜினியின் ‘தலைவர் 171’ படத்தில் இணையும் சிவகார்த்திகேயன்?
ஜெயிலர் படத்தைத் தொடர்ந்து இயக்குநர் லோகேஷ் கனகராஜின் இயக்கத்தில் ரஜினி நடிக்கும் ‘தலைவர் 171’ திரைப்படத்தில் நடிகர் சிவகார்த்திகேயன் இணையவுள்ளார் என தகவல் வெளியாகியுள்ளது.
ஜெயிலர் பட வெற்றியைத் தொடர்ந்து தற்போது ரஜினிகாந்த்தின் 171வது படத்திலும் சன் பிக்சர்ஸ் மீண்டும் இணைகிறது. இந்தப் படத்தை லோகேஷ் கனகராஜ் இயக்க அனிருத் இசையமைக்கிறார். இதற்கான அதிகாரபூர்வ அறிவிப்பை சன் பிக்சர்ஸ் சமீபத்தில் வெளியிட்டிருந்தது. இயக்குநர் லோகேஷ் தற்போது விஜய்யின் லியோ படத்தினை முடித்துள்ளார்.
இந்தப்படம் அக்டோபர் 19-ம் தேதி வெளியாகி நல்ல வரவேற்பினை பெற்றது. தற்போது லோகேஷ் கனகராஜ் ‘தலைவர் 171’ படத்திற்கான திரைக்கதை வேலைகளில் ஈடுபட்டு வருகிறார். இப்படத்தின் முக்கிய வில்லனாக நடிக்க நடிகர் ராகவா லாரன்ஸ் தேர்ந்தெடுக்கப்படலாம் என எதிர்பார்க்கப்படுகிறது. காரணம், ரஜினியுடன் இணைந்து நடிக்க ராகவா லாரன்ஸ் விருப்பம் தெரிவித்து வருவதாகக் கூறப்படுகிறது.
பொங்கலுக்கு சிவகார்த்திகேயனின் அயலான் வெளியாக உள்ளது. நடிகர் ரஜினி தற்போது 170வது படத்திலும் சிவகார்த்திகேயன் தனது 21வது படத்திலும் நடித்து வருவது குறிப்பிடத்தக்கது.