டிக்கெட் முன்பதிவில் பேரரசனாக தொடர்ந்து பயணிக்கும் சிவகார்த்திகேயன்! சாதனை படைத்த #Amaran திரைப்படம்!

அமரன் திரைப்படம் முதல் நாள் டிக்கெட் முன்பதிவில் ஒரு லட்சத்தை தாண்டியிருக்கும் நிலையில், சிவகார்த்திகேயன் உச்ச நச்சத்திரங்களில் ஒருவராக பரிணமித்துள்ளார்.

தமிழ் சினிமாவில் எம்ஜிஆர், ரஜினி வரிசையில் பெண்கள் குழந்தைகள் மற்றும் ரசிகர்களின் பெரும் ஆதரவை பெற்ற நடிகர் சிவகார்த்திகேயன். சினிமாவுக்கு வந்த மிக குறுகிய காலத்தில் ரஜினியை போன்று தமிழ்நாட்டு குடும்பங்களின் இல்லத்தில் ஒருவராக இணைந்துவிட்டார். எம்ஜிஆர், ரஜினி இருவருக்குப்பிறகு பெண்களிடம் ஒரு சகோதர தாக்கத்தை ஏற்படுத்தியவர். இவரது தொடர் வெற்றிகளும் இவர் தேர்ந்தெடுத்த படங்களும் ரசிகர்கள் என்கிற வட்டத்தை தாண்டி சகோதர உணர்வை அழுத்தமாக பதித்துள்ளது.இதனை இவரது படங்களுக்கான வரவேற்பை பார்த்தாலே புரிந்துகொள்ளலாம்.

முன்பதிவு தொடங்கிய ஒரு சில மணிநேரங்களில் ரஜினி படங்களுக்கு இணையான முன்பதிவு இவருக்கு ரெமோ போன்ற படங்களில் இருந்தே தொடர்ந்து வருவது இவரது நிலைத்த நிலையான வளர்ச்சியையும் வெற்றியையும் காட்டுகிறது.

முன்னணி நடிகர்கள் அஜித்,விஜய் போன்றவர்களுக்கு 20 வருடங்கள் கழித்து கிடைத்த ஒப்பனிங் இவருக்கு 5 வருடங்களில் கிடைத்தது குறிப்பிடத்தக்கது. அஜித், விஜய் போன்றவர்களைவிட ரஜினிக்கு ரசிகர்கள் பலமும் ஆடியன்ஸ் பலமும் அதிகம். அந்த இடத்தை நோக்கி தான் சிவகார்த்திகேயன் பயணிக்கின்றார்.

அஜித், விஜய் இருவர் அளவுக்கு ரசிகர்கள் பலம் இருந்தாலும் அவர்களின் சீனியாரிட்டி கொஞ்சம் முன்னோக்கி நிற்கிறது. ஆனால் குடும்ப ஆடியன்ஸ் குழந்தைகள் ஆதரவு என்கிற அளவுகோல் அடிப்படையில் ரஜினிக்கு அடுத்த இடத்தில் சிவகார்த்திகேயன் தான் இருக்கின்றார் என்பது அவரது படங்களின் வெற்றியிலும் முன்பதிவிலும் பிரதிபலிக்கின்றது.

ரெமோவில் தொடங்கிய முன்பதிவு புரட்சி, டாக்டர் படத்தில் உச்சம் தொட்டது இன்னும் சொல்லப்போனால் ரஜினியின் காலா படத்தைவிட முன்பதிவில் முந்தியது டாக்டர் படம்.

ரஜினி படத்தை முன்பதிவில் முந்திய ஒரே நடிகர் இன்றுவரை சிவகார்த்திகேயன் ஒருவர் தான் சீமராஜா ஒப்பனிங் ரஜினியை தவிர மற்ற நடிகர்களை பின்தள்ளியது குறிப்பிடத்தக்கது.

இப்படி தொடர்ந்து முன்பதிவில் முன்னேற்றங்களை செய்துவந்த சிவகார்த்திகேயன் டான் படத்தின் மூலம் ரஜினிக்குபிறகு தயாரிப்பாளர் தரப்பில் 100 கோடி தாண்டிய முதல் நடிகர் என்கிற அந்தஸ்தையும் பெற்றார்.

தொடர்ந்து மாவீரன், அயலான் போன்ற படங்களிலும் தன் நிலையை தக்கவைத்தார் சிவகார்த்திகேயன். இதன் தொடர்ச்சியாக இப்போது ராஜ்கமல் பிலிம்ஸ் மற்றும் சோனி பிக்சர்ஸ் இணைந்து தயாரித்து இன்று வெளியாகியிருக்கும் அமரன் படம் சென்னையில் ஒருசில மணிநேரத்தில் 10,000 டிக்கெட் முன்பதிவான நிலையில் முதல் நாள் மட்டும் ஒரு லட்சம் டிக்கெட் முன்பதிவு செய்யப்பட்டுள்ளது.இதன் மூலம் சிவகார்த்திகேயன் முன்பதிவில் தொடர்ந்து பேரரசனாக பயணிக்கிறார் என்பது நிரூபணமாகியுள்ளது.