சல்மான் கானை தொடர்ந்து #ShahRukhKhan-க்கும் கொலை மிரட்டல்!

பிரபல பாலிவுட் நடிகர் சல்மான் கானுக்கு கொலை மிரட்டல் வந்த நிலையில், நடிகர் ஷாருக் கானுக்கும் கொலை மிரட்டல் விடுக்கப்பட்டுள்ள சம்பவம் பரபரப்பை ஏற்படுத்தியுள்ளது.

பிரபல பாலிவுட் நடிகர் ஷாருக் கான். இவர் திரைத்துறையை தாண்டி ஐபிஎல் கிரிக்கெட் தொடரில் கொல்கத்தா நைட் ரைடர்ஸ் அணியின் உரிமையாளரும் ஆவார். இந்நிலையில், நடிகர் ஷாருக் கானுக்கு கொலை மிரட்டல் விடுக்கப்பட்டுள்ள சம்பவம் பரபரப்பை ஏற்படுத்தி உள்ளது. அடையாளம் தெரியாத நபர் ரூ. 50 லட்சம் கேட்டு ஷாருக் கானுக்கு கொலை மிரட்டல் விடுத்துள்ளதாக தெரிகிறது. இது தொடர்பாக மும்பை பந்த்ரா காவல்துறையினர் 308(4), 351(3)(4) ஆகிய பிரிவுகளின் கீழ் வழக்குப்பதிவு செய்து மிரட்டல் விடுத்தது யார் என்பது தொடர்பாக விசாரணை நடத்தி வருகின்றனர்.

இதையும் படியுங்கள் : வசூலை அள்ளும் #LuckyBaskhar… 7 நாட்களில் செய்துள்ள வசூல் எவ்வளவு தெரியுமா?

சத்தீஸ்கர் மாநிலம் ராய்பூரில் இருந்து அந்த அழைப்பு வந்துள்ளதாகக் கூறப்படுகிறது. எனினும் இன்னும் இந்த தகவல் உறுதிப்படுத்தப்படவில்லை. முன்னதாக பாலிவுட் நடிகர் சல்மான் கானுக்கு கொலை மிரட்டல்கள் வந்த நிலையில், தற்போது ஷாருக் கானுக்கு கொலை மிரட்டல் விடுக்கப்பட்டு இருப்பது குறிப்பிடத்தக்கது. நடிகர் சல்மான் கானுக்கு கொலை மிரட்டல் விடுத்த கர்நாடகாவைச் சேர்ந்த ஜல்ராம் பிஷ்னோய் என்பவரை போலீசார் கைது செய்துள்ளனர்.