மிரட்டும் #GameChanger படத்தின் டீசர்... ஒரே இரவில் இத்தனை மில்லியன் பார்வைகளா?

ஷங்கர் இயக்கத்தில் ராம் சரண் நடிப்பில் உருவாகியுள்ள ‘கேம் சேஞ்சர்’ திரைப்படத்தின் டீசர் ஒரே இரவில் சுமார் 25 மில்லியன் பார்வைகளை கடந்துள்ளது.

ஆர்.ஆர்.ஆர். திரைப்படத்தின் மிகப்பெரிய வெற்றிக்கு பிறகு ராம்சரண், இயக்குநர் ஷங்கர் இயக்கத்தில் ‘கேம் சேஞ்சர்’ திரைப்படத்தில் நடித்துள்ளார். அரசியல் அதிரடி திரில்லர் திரைப்படமாக இது உருவாகியுள்ளது. இயக்குநர் ஷங்கர் தெலுங்கு மொழியில் இயக்கும் முதல் திரைப்படம் இதுவாகும்.ஷங்கருடன் இணைந்து இயக்குநர் கார்த்தி சுப்புராஜ் இப்படத்திற்கு கதை எழுதியுள்ளார்.இதில், கியாரா அத்வானி, அஞ்சலி, எஸ்.ஜே.சூர்யா, சமுத்திரக்கனி, நாசர் போன்ற முன்னணி நடிகர்கள் நடித்துள்ளனர்.

ஸ்ரீவெங்கடேஸ்வரா கிரியேஷன்ஸ் சார்பில் தில் ராஜு தயாரிக்கும் இப்படத்திற்கு தமன் இசையமைத்துள்ளார். இப்படத்தின் “ஜரகண்டி” மற்றும் “ரா மச்சா மச்சா” பாடல்கள் வெளியாகி மக்களிடையே நல்ல வரவேற்பைப் பெற்றது. திரைப்படம் பொங்கலை முன்னிட்டு அடுத்தாண்டு ஜனவரி 10 ஆம் தேதி திரையரங்குகளில் வெளியாகவுள்ளது. இப்படத்தின் டீசர் நேற்று வெளியானது.

அரசியல் பின்னணி கொண்ட கதையாக அக்ஷன் த்ரில்லர் பாணியில் இப்படம் உருவாகியுள்ளது. இந்த நிலையில், இப்படத்தின் டீசர் ஒரே இரவில் மட்டும் சுமார் 25 மில்லியன் பார்வைகளை கடந்துள்ளது. இன்று மாலையுடன் 24 மணி நேரம் நிறைவடைகிறது. அதற்குள் இப்படத்தின் டீசர் 42 மில்லியன் பார்வைகளை கடந்தால், அதிக பார்வைகளை பெற்ற டீசர் என்ற சாதனையை பெறும். இதற்கு முன் 'ராதே ஷ்யாம்' படத்தின் டீசர் 42 மில்லியன் பார்வைகளை பெற்று முதலிடத்தில் உள்ளது குறிப்பிடத்தக்கது