நாளை வெளியாகிறது சல்மான் கானின் ‘சிக்கந்தர்’ டீசர்!

ஏ.ஆர் முருகதாஸ் இயக்கத்தில் சல்மான் கான் நடிக்கும் ”சிக்கந்தர்” படத்தின் டீசர் நாளை வெளியாக உள்ளதாக படக்குழு அறிவித்துள்ளது.

பாலிவுட் நடிகர் சல்மான் கானை வைத்து ஏ.ஆர்.முருகதாஸ் சிக்கந்தர் என்ற ஹிந்தி திரைப்படத்தை இயக்கியுள்ளார். இப்படத்தை பிரபல தயாரிப்பாளர் சஜித் நதியத்வாலா தயாரிக்கிறார். படத்தின் கதாநாயகியாக ராஷ்மிகா மந்தனா நடித்துள்ளார். இப்படத்தின் மூலம் ஹிந்தி திரையுலகில் இசையமைப்பாளராக சந்தோஷ் நாரயாணன் அறிமுகமாகிறார். இத்திரைப்படம் அடுத்தாண்டு ரம்ஜான் பண்டிகையை ஒட்டி வெளியாக உள்ளது.

இந்நிலையில் இப்படத்தின் டீசர் நாளை காலை 11 மணிக்கு வெளியாகும் என இயக்குநர்  ஏ.ஆர்.முருகதாஸ் தனது எக்ஸ் பக்கத்தில் தெரிவித்துள்ளார். ஏ.ஆர். முருகதாஸ் அடுத்ததாக சிவகார்த்திகேயன் நடிப்பில் ‘எஸ்கே 23’ திரைப்படத்தை இயக்கி வருகிறார். அனிரூத் இசையமைத்துள்ள இப்படத்திற்க்கு, சுதீப் இளமோகன் ஒளிப்பதிவு செய்துள்ளார்.

இப்படத்தில் வித்யூத் ஜம்வல் வில்லனாக நடித்துள்ளார். இத்திரைப்படத்தின் தலைப்பு மற்றும் கதைக்களத்தை பற்றி எந்த ஒரு அறிவிப்பும் இன்னும் வெளியாகவில்லை.