'புஷ்பா 2' திரைப்படத்தின் 2-ஆவது பாடல் குறித்த அப்டேட் வெளியீடு!
'புஷ்பா 2 தி ரூல்' படத்தின் இரண்டாவது பாடல் குறித்த அப்டேட் வெளியானதை அடுத்து அத்திரைப்படத்தின் ரசிகர்கள் உற்சாகமாகியுள்ளனர்.
தெலுங்கு நடிகர் அல்லு அர்ஜுன் நடிப்பில் சுகுமார் இயக்கத்தில் கடந்த 2021 ஆம் ஆண்டு டிசம்பர் 18 ஆம் தேதி வெளியான படம் புஷ்பா. இந்த படம் தமிழ், தெலுங்கு, இந்தி மற்றும் கன்னடம் ஆகிய மொழிகளில் பான் இந்தியா படமாக வெளியானது. கிட்டத்தட்ட 350 கோடி ரூபாய்க்கு மேல் இந்த படம் வசூலித்ததாக தகவல்கள் வெளியாகின. இந்தியா முழுவதும் ஒரு பிராண்ட்டாக மாறியது புஷ்பா திரைப்படம்.
இதனையடுத்து, இப்படத்தின் இரண்டாம் பாகம் மிக பிரம்மாண்டமாக தற்போது உருவாக்கப்பட்டு வருகிறது. 'புஷ்பா 2 தி ரூல்' என்ற தலைப்பில் உருவாகி வரும் இந்த படம் ஆகஸ்ட் 15-ம் தேதி வெளியாகும் என்று அறிவிக்கப்பட்டுள்ளது. சமீபத்தில் புஷ்பா 2 திரைப்படத்தின் டீசர் வெளியானது. இதனைத்தொடர்ந்து 'புஷ்பா புஷ்பா' என்ற முதல் பாடலின் லிரிக் வீடியோவும் வெளியானது.
https://x.com/PushpaMovie/status/1793154836168601719