புரோ கபடி லீக் | புனேரி பால்டன் – ஜெய்ப்பூர் பிங்க் பாந்தர்ஸ் அணிகள் இன்று மோதல்

புரோ கபடி லீக் போட்டியின் இன்றைய ஆட்டத்தில் புனேரி பால்டன் – ஜெய்ப்பூர் பிங்க் பாந்தர்ஸ் அணிகள் இன்று மோதுகின்றன.

11-வது புரோ கபடி லீக் தொடர் கடந்த அக்டோபர் 18-ம் தேதி ஹைதராபாத்தில் தொடங்கியது. இந்த தொடரின் முதற்கட்ட லீக் ஆட்டங்கள் ஹைதராபாத்தில் நடந்து முடிந்தன. இதையடுத்து தொடரின் 2-வது கட்ட லீக் போட்டிகள் நொய்டாவில் நடைபெற்று வருகின்றன.

இந்நிலையில், இந்த தொடரில் இன்று 2 லீக் போட்டிகள் நடைபெறுகின்றன. அதில் இரவு 8 மணிக்கு தொடங்கும் போட்டியில் புனேரி பால்டன் - ஜெய்ப்பூர் பிங்க் பாந்தர்ஸ் அணிகள் மோதுகின்றன. தொடர்ந்து இரவு 9 மணிக்கு தொடங்கும் 2வது போட்டியில் யு மும்பா - பெங்களூரு புல்ஸ் அணிகள் மோத உள்ளன.

இதையும் படியுங்கள் : அமைச்சர் செந்தில் பாலாஜி முன்னிலையில் திமுகவில் இணைந்த கோவை மாவட்ட நாதகவினர்!

இந்த தொடரில் இதுவரை நடந்துள்ள லீக் போட்டிகளில் முடிவில் புள்ளிப்பட்டியலில் புனேரி பால்டன் அணி 3வது இடத்திலும், ஜெய்ப்பூர் பிங்க் பாந்தர்ஸ் அணி 8வது இடத்திலும் உள்ளன. இதையடுத்து, யு மும்பா அணி 5வது இடத்திலும், பெங்களூரு புல்ஸ் அணி 12வது இடத்திலும் உள்ளது குறிப்பிடதக்கது.