#ProKabaddiLeague |  தெலுங்கு டைட்டன்ஸ் - புனேரி பால்டன் அணிகள் இன்று மோதல்!

புரோ கபடி லீக் போட்டியின் இன்றைய ஆட்டத்தில் தெலுங்கு டைட்டன்ஸ் - புனேரி பால்டன் அணிகள் மோதுகின்றன.

11-வது புரோ கபடி லீக் போட்டி ஐதராபாத்தில் கடந்த 18ம் தேதி தொடங்கியது. இதில் பங்கேற்றுள்ள 12 அணிகள் தங்களுக்குள் தலா 2 முறை மோத வேண்டும். லீக் சுற்று முடிவில் முதல் 6 இடங்களை பிடிக்கும் அணிகள் ‘பிளே-ஆப்’ சுற்றுக்கு தகுதி பெறும். லீக்கில் ‘டாப்-2’ இடங்களை வசப்படுத்தும் அணிகள் நேரடியாக அரையிறுதிக்குள் அடியெடுத்து வைக்கும். 3 முதல் 6 இடங்களை பெறும் அணிகள் வெளியேற்றுதல் சுற்றில் மோதி அதில் வெற்றி பெறும் 2 அணிகள் அரையிறுதிக்கு தகுதி பெறும்.

இந்த நிலையில், இன்று (நவ.9) நடைபெறும் முதல் லீக் ஆட்டத்தில் புனேரி பால்டன் - தெலுங்கு டைட்டன்ஸ் அணிகள் மோதுகின்றன. இதில் புனேரி பால்டன் அணி இதுவரை நடைபெற்ற 7 போட்டிகளில் 5 முறை வெற்றி பெற்று பாயிண்ட்ஸ் டேபிளில் முதல் இடத்தில் உள்ளது. தெலுங்கு டைட்டன்ஸ் அணி 7 போட்டிகளில் 4 -இல் வெற்றி பெற்று பாயிண்ட்ஸ் டேபிளில் 7வது இடத்தில் உள்ளது.

இதனையடுத்து நடைபெறும் 2வது போட்டியில் பாயிண்ட்ஸ் டேபிளில் 10வது இடத்தில் இருக்கும் பெங்கால் வாரியர்ஸ் அணி 11வது இடத்தில் உள்ள பெங்களூரு புல்ஸ் அணியுடன் மோத உள்ளது. ஒவ்வாறு அணியும் அதிக புள்ளிகளை பெற்று பாயிண்ட்ஸ் டேபிளில் முன்னேற எண்ணி ஆடும். இதனால் இந்த போட்டிகளில் பரபரப்புக்கு பஞ்சமிருக்காது. இன்றைய போட்டிகளில் எந்தெந்த அணிகள் வெற்றி பெறும் என ரசிகர்கள் ஆவலுடன் காத்துக்கொண்டுள்ளனர்.