#ProKabaddiLeague |  பாட்னா பைரட்ஸ், தபாங் டெல்லி அணிகள் வெற்றி!

புரோ கபடி லீக் போட்டியின் நேற்றைய ஆட்டத்தில் பாட்னா பைரட்ஸ், தபாங் டெல்லி அணிகள் வெற்றி பெற்றன.

11-வது புரோ கபடி லீக் போட்டி ஐதராபாத்தில் கடந்த 18ம் தேதி தொடங்கியது. இதில் பங்கேற்றுள்ள 12 அணிகள் தங்களுக்குள் தலா 2 முறை மோத வேண்டும். லீக் சுற்று முடிவில் முதல் 6 இடங்களை பிடிக்கும் அணிகள் ‘பிளே-ஆப்’ சுற்றுக்கு தகுதி பெறும். லீக்கில் ‘டாப்-2’ இடங்களை வசப்படுத்தும் அணிகள் நேரடியாக அரையிறுதிக்குள் அடியெடுத்து வைக்கும். 3 முதல் 6 இடங்களை பெறும் அணிகள் வெளியேற்றுதல் சுற்றில் மோதி அதில் வெற்றி பெறும் 2 அணிகள் அரையிறுதிக்கு தகுதி பெறும்.

இதையும் படியுங்கள் : மனித உருவம் கொண்ட ரோபோவால் வரையப்பட்ட உருவப்படம் $1 மில்லியனுக்கு விற்பனை!

இந்த நிலையில், நேற்று (நவ.8) நடைபெற்ற முதல் லீக் ஆட்டத்தில் ஜெய்ப்பூர் பிங்க் பாந்தர்ஸ் - பாட்னா பைரட்ஸ் அணிகள் மோதின. ஆரம்பம் முதலே இரு அணிகளும் விறுவிறுப்பாக ஆடி புள்ளிகளை குவித்தன. இறுதியில், 43 - 41 என்ற புள்ளிக்கணக்கில் ஜெய்ப்பூரை வீழ்த்தி பாட்னா பைரட்ஸ் அணி அபார வெற்றி பெற்றது. தொடர்ந்து நடைபெற்ற மற்றொரு லீக் ஆட்டத்தில் தமிழ் தலைவாஸ் - தபாங் டெல்லி அணிகள் மோதிக் கொண்டன. விறுவிறுப்பாக நடைபெற்ற இந்த ஆட்டத்தில் 39-26 என்ற புள்ளி கணக்கில் தமிழ் தலைவாஸ் அணியை வீழ்த்தி தபாங் டெல்லி வெற்றி பெற்றது.