#ProKabaddiLeague |  தபாங் டெல்லி, ஹரியானா ஸ்டீலர்ஸ் அணிகள் வெற்றி!

புரோ கபடி லீக் போட்டியின் நேற்றைய ஆட்டத்தில் தபாங் டெல்லி, ஹரியானா ஸ்டீலர்ஸ் அணிகள் வெற்றி பெற்றன.

11-வது புரோ கபடி லீக் போட்டி ஐதராபாத்தில் கடந்த 18ம் தேதி தொடங்கியது. இதில் பங்கேற்றுள்ள 12 அணிகள் தங்களுக்குள் தலா 2 முறை மோத வேண்டும். லீக் சுற்று முடிவில் முதல் 6 இடங்களை பிடிக்கும் அணிகள் ‘பிளே-ஆப்’ சுற்றுக்கு தகுதி பெறும். லீக்கில் ‘டாப்-2’ இடங்களை வசப்படுத்தும் அணிகள் நேரடியாக அரையிறுதிக்குள் அடியெடுத்து வைக்கும். 3 முதல் 6 இடங்களை பெறும் அணிகள் வெளியேற்றுதல் சுற்றில் மோதி அதில் வெற்றி பெறும் 2 அணிகள் அரையிறுதிக்கு தகுதி பெறும்.

இதையும் படியுங்கள் : சித்தார்த் நடிக்கும் ‘மிஸ் யூ’ படத்தின் ரிலீஸ் தேதி அறிவிப்பு!

இந்த நிலையில், நேற்று (நவ.7) நடைபெற்ற முதல் லீக் ஆட்டத்தில் பெங்கால் வாரியர்ஸ் - தபாங் டெல்லி அணிகள் மோதின. ஆரம்பம் முதலே இரு அணிகளும் விறுவிறுப்பாக ஆடி புள்ளிகளை சேகரித்தன. இறுதியில் 33-30 என்ற புள்ளி கணக்கில் பெங்கால் வாரியர்ஸ் அணியை வீழ்த்தி தபாங் டெல்லி அணி வெற்றி பெற்றது. இதனைத் தொடர்ந்து, நடைபெற்ற மற்றொரு ஆட்டத்தில் ஹரியானா ஸ்டீலர்ஸ் - குஜராத் ஜெயண்ட்ஸ் அணிகள் மோதிக் கொண்டன. தொடக்கம் முதலே ஆதிக்கம் செலுத்தி வந்த ஹரியானா ஸடீலர்ஸ் அணி 35-22 என்ற புள்ளிக்கணக்கில் குஜராத் ஜெயண்ட்ஸ் அணியை வீழ்த்தியது.