புரோ கபடி லீக் போட்டி | யு மும்பை அணியை வீழ்த்தி தெலுங்கு டைட்டன்ஸ் வெற்றி!

புரோ கபடி லீக் போட்டியின் நேற்றைய ஆட்டத்தில் யு மும்பை அணியை வீழ்த்தி தெலுங்கு டைட்டன்ஸ் வெற்றி பெற்றது.

11-வது புரோ கபடி லீக் போட்டி ஹைதராபாத்தில் கடந்த 18ம் தேதி தொடங்கியது. இந்த தொடரின் முதற்கட்ட லீக் ஆட்டங்கள் ஹைதராபாத்தில் நடந்து முடிந்தன. இதனையடுத்து தொடரின் 2வது கட்ட லீக் ஆட்டங்கள் நொய்டாவில் நடைபெற்று வருகின்றன.

இந்த தொடரில் இன்று நடைபெற்ற முதல் ஆட்டத்தில் தபாங் டெல்லி மற்றும் குஜராத் ஜெயண்ட்ஸ் அணிகள் மோதின. விறுவிறுப்பாக நடைபெற்ற இந்த போட்டி 39 -39 என்ற புள்ளி கணக்கில் டிராவில் முடிந்தது.

இதையும் படியுங்கள் : வயநாடு தேயிலை தொழிலாளர்களுடன் பிரியங்கா காந்தி என வைரலாகும் படம் - உண்மை என்ன?

தொடர்ந்து நடைபெற்ற இரண்டாவது போட்டியில் தெலுங்கு டைட்டன்ஸ் – யு மும்பா அணிகள் மோதின. இந்த போட்டியில் 31 -29 என்ற புள்ளி கணக்கில் யு மும்பா அணியை வீழ்த்தி தெலுங்கு டைட்டன்ஸ் அணி வெற்றி பெற்றது.

12 ஆட்டங்களில் ஆடியுள்ள யு மும்பா அணி 7 வெற்றி, 4 தோல்வி, 1 டிராவுடன் புள்ளிப்பட்டியலில் 2-வது இடத்தில் உள்ளது. 11 ஆட்டங்களில் ஆடியுள்ள தெலுங்கு டைட்டன்ஸ் அணி 7 வெற்றி, 4 தோல்வியுடன் 5-வது இடத்தில் உள்ளது.