பிரதமர் மோடியின் பயோபிக் திரைப்படம் - ஹீரோ யார் தெரியுமா..?

பிரதமர் மோடியின் 75 ஆவது பிறந்த நாள் இன்று கொண்டாடப்படுகிறது. இதனை தொடர்ந்து பல்வேறு தரப்பினரும் அவருக்கு வாழ்த்து தெரிவித்து வருகின்றனர். இந்த நிலையில் வாழ்க்கை திரைப்படமாக உருவாக உள்ளதாக அறிவிப்பு வெளியாகியுள்ளது.  பிரதமர் மோடியின் வாழ்க்கை “மா வந்தே” என்ற பெயரில் சினிமாவாகிறது. சில்வர் காஸ்ட் கிரியேஷன்ஸ் தயாரிக்கும் இந்த படத்தில் பிரதமர் கேரக்டரில் உன்னிமுகுந்தன் நடிக்கிறார்.

பான்-இந்தியா அளவில் இந்திய மொழிகள் அனைத்திலும் வெளியீடு செய்யப்படுவதோடு, ஆங்கிலத்திலும் தயாரிக்கப்படுகிறது.’’ என்கிறார்கள். ஒரு தாயின் துணிவு பல போர்களை வெல்லும் என்ற சப் டைட்டலுடன் உருவாகும் இந்த படத்தை கிராசாந்திகுமார் இயக்க, கேஜிஎப் இசையமைப்பாளர் ரவிபஸ்ரூர் இசையமைக்கிறார். பிரதமர் வேடத்தில் நடிக்கும் உன்னிமுகுந்தன் தமிழில் சீடன், கருடன் படங்களில் நடித்து இருக்கிறார். மலையாளத்தில் இவர் நடித்த மாளிகாபுரம் என்ற சபரிமலை பின்னணியிலான படம் பெரிய ஹிட் ஆனது

இது குறித்து படக்குழு கூறுகையில் ‘‘இந்த திரைப்படம், நாட்டின் கோடிக்கணக்கான மக்களின் இதயங்களை வென்ற பிரதமர்  நரேந்திர மோடியின் அற்புதமான வாழ்க்கைப் பயணத்தைச் சித்தரிக்கிறது. சிறுவயது முதல் தேசத்தின் தலைவராக உயர்ந்த வரலாற்றையும் உண்மை சம்பவங்களையும் அடிப்படையாகக் கொண்டும் உருவாக்கப்படுகிறது. குறிப்பாக, அவருக்கு எப்போதும் ஆதரவாக இருந்த தாயார் ஸ்ரீமதி ஹீராபென் சம்பந்தப்பட்ட ஆழமான பந்தத்தை வெளிப்படுத்துகிறது. சர்வதேச தரத்திலும், தரமான கிராபிக்ஸ் தொழில்நுட்பங்களுடனும், இந்தியாவின் முன்னணி தொழில்நுட்ப நிபுணர்களின் பங்களிப்புடனும் இந்தப் படம் உருவாக்கப்படுகிறது.