பழனி முருகன் கோயிலில் உண்டியல் காணிக்கை எண்ணும் பணி - ரூ.2.5 கோடி செலுத்திய பக்தர்கள்!
பழனி மலைக்கோயிலில் உண்டியல் காணிக்கையாக இரண்டரை கோடி ரூபாய் வருவாயாக கிடைத்துள்ளது என கோயில் நிர்வாகம் அறிவித்துள்ளது.
திண்டுக்கல் மாவட்டம், பழனி தண்டாயுதபாணி சுவாமி திருக்கோயிலுக்கு
சுவாமி தரிசனம் செய்ய தினமும் ஆயிரக்கணக்கான பக்தர்கள் வருகை தருகின்றனர்.
இவ்வாறு வரும் பக்தர்கள் மலை மீது சென்று சுவாமி தரிசனம் செய்யும் போது
காணிக்கை செலுத்துவதற்க்கு வசதியாக மலையடிவாரம் பாதவிநாயகர் கோயில் முதல் மலைகோயில் வரை பல்வேறு இடங்களில் உண்டியல்கள் வைக்கப்பட்டுள்ளன.
இதில் ரொக்கமாக 2 கோடியே 58 லட்சத்து 37 ஆயிரத்து 372 ரூபாய் வருவாயாக கிடைத்துள்ளது. மேலும் தங்கம் 1383 கிராமும், வெள்ளி 12 ஆயிரத்து 992 கிராமும், வெளிநாட்டு கரன்சி 406 நோட்டுகளும் வருவாயாக கிடைத்துள்ளது.