#PAKvsAUS | 3வது ஒருநாள் போட்டி... ஆஸ்திரேலியா - பாகிஸ்தான் அணிகள் இன்று பலப்பரீட்சை!

பாகிஸ்தான் மற்றும் ஆஸ்திரேலியா அணிகளுக்கு இடையிலான 3வது மற்றும் கடைசி ஒருநாள் போட்டி இன்று நடைபெறுகிறது.

ஆஸ்திரேலியாவில் சுற்றுப்பயணம் மேற்கொண்டுள்ள பாகிஸ்தான் கிரிக்கெட் அணி 3 ஒருநாள் மற்றும் 3 டி20 போட்டிகள் கொண்ட தொடரில் விளையாடி வருகிறது. இதில் முதல் ஒருநாள் போட்டியில் ஆஸ்திரேலிய அணி வெற்றி பெற்ற நிலையில், நேற்று முன்தினம் நடைபெற்ற 2வது ஒருநாள் போட்டியில் பாகிஸ்தான் அணி வெற்றி பெற்றது. இதன்மூலம் தொடர் 1-1 என்ற கணக்கில் சமநிலையில் உள்ளது.

இதையும் படியுங்கள் : #DonaldTrump | மத்திய கிழக்கில் போர்நிறுத்தம் ஏற்பட டிரம்ப் செயலாற்ற வேண்டும்: ஈராக் பிரதமர் வலியுறுத்தல்!

இந்த நிலையில் இவ்விரு அணிகளுக்கு இடையிலான தொடர் யாருக்கு என்பதை நிர்ணயிக்கும் 3வது மற்றும் கடைசி ஒருநாள் போட்டி பெர்த்தில் இன்று (நவ.10) நடைபெறுகிறது. இதனை முன்னிட்டு இரு அணிகளும் தீவிர பயிற்சியில் ஈடுபட்டுள்ளன. இதில் வெற்றி பெற்று தொடரை முழுமையாக கைப்பற்றும் முனைப்பில் இரு அணிகளும் இன்று விளையாடும். இதனால் இன்றைய ஆட்டத்தில் பரபரப்புக்கு பஞ்சமிருக்காது. இந்த போட்டியில் வெற்றி பெற்று தொடரை முழுமையாக கைப்பற்றப்போவது என ரசிகர்கள் ஆவலுடன் எதிர்பார்த்து வருகின்றனர். இந்த போட்டி இன்று 9 மணிக்கு தொடங்குகிறது.