’பைசன்’ திரைப்படத்தின் ஓடிடி ரிலீஸ் தேதி அறிவிப்பு

மாரி செல்வராஜ் - துருவ் விக்ரம் கூட்டணியில் வெளியானத் திரைப்படம் ‘பைசன்’. இப்படத்தில் துருவ் உடன் இணைந்து அனுபமா பரமேஸ்வரன், லால், பசுபதி, ரஜிஷா விஜயன்,  உள்ளிட்ட பலர் நடித்துள்ளனர். தீபாவளியை முன்னிட்டு வெளியான இப்படம் ரசிகர்கள் மத்தியில் நல்ல வரவேற்பை பெற்றது. கபடி வீரர் மணத்தி கணேசனின் வாழ்க்கையை அடிப்படையாக கொண்டு உருவான இப்படம் பாராட்டுகளை பெற்று வருகிறது.

இப்படத்தை பார்த்த அரசியல் கட்சித் தலைவர்கள், சினிமா பிரபலங்கள் என பலரும் பாராட்டி வருகின்றனர். மேலும் இப்படத்தை பார்த்த முதலமைச்சர் மு.க ஸ்டாலின்,படத்தின் இயக்குநர் மாரி செல்வராஜ் மற்றும் துருவ் விக்ரம் ஆகியோரை நேரில் அழைத்து பாராட்டினார்.

உலகளவில் பைசன் திரைப்படம்  70 கோடிக்கும் மேலுல் வசூலித்துள்ளதாக கூறப்படுகிறது. இந்த நிலையில், இப்படத்தின் ஓடிடி ரிலீஸ் தேதி அதிகாரபூர்வமாக அறிவிக்கப்பட்டுள்ளது. அதன்படி, இப்படம் வருகிற 21ந் தேதி நெட்பிளிக்ஸ் ஓடிடி தளத்தில் வெளியாகும் என்று அறிவிக்கப்பட்டுள்ளது.