குரூப் 1, 1பி தேர்வுக்கு கருப்புமை பேனா மட்டுமே பயன்படுத்த வேண்டும் - டிஎன்பிஎஸ்சி அறிவிப்பு!

டிஎன்பிஎஸ்சி குரூப்-1, 1பி முதன்மைத் தேர்வை கருப்பு மை பேனாவில் மட்டுமே எழுத வேண்டும் என தமிழ்நாடு அரசு பணியாளர் தேர்வாணையம் அறிவித்துள்ளது.

இது தொடர்பாக தமிழ்நாடு அரசு பணியாளர் தேர்வாணையம் (டிஎன்பிஎஸ்சி) வெளியிட்ட அறிவிப்பில் தெரிவித்திருப்பதாவது :

" ஒருங்கிணைந்த குடிமைப்பணிகள் (முதன்மை) தேர்வு 1 மற்றும் குரூப் “1பி” பணிகள் தேர்வு எழுதும் தேர்வர்கள் தேர்வின் போது விடைப்புத்தகம் முழுவதும், அதாவது தேர்வு எண்ணை எழுதுதல், முதல் பக்கத்தில் கையொப்பமிடுதல், விடை எழுதுதல், படம் வரைதல், அடிக்கோடிடுதல், மேற்கோள்காட்டுதல், விடை புத்தகத்தில் பயன்படுத்தாத இடங்களை/ தேவையான எண்ணிக்கைக்கு அதிகமான விடைகளை அடித்தல், போன்றவற்றுக்கு ஒரேவகையான கருப்புமைப் பேனாவை மட்டுமே உபயோகிக்க வேண்டும்.

இதையும் படியுங்கள் :குளிர்கால கூட்டத் தொடர் | இன்று நடைபெறும் நாடாளுமன்ற அனைத்து கட்சி கூட்டம்!

தேர்வர்கள் இந்த தேவைகளுக்கு ஒரேவகை கொண்ட கருப்புமைப் பேனாக்களை போதுமான எண்ணிக்கையில் வைத்திருக்க வேண்டும். தேர்வர்கள் கருப்புமைப் பேனாக்களைத் தவிர மற்ற பேனாக்களை உபயோகித்தால் அவர்களது விடைத்தாள் செல்லாததாக்கப்படும்"

இவ்வாறு அதில் தெரிவிக்கப்பட்டுள்ளது.