"இங்க யாரும் தமிழே படிக்கிறது இல்லையே"- யூடியூப் ட்ரெண்டிங்கில் #Meiyazhagan Deleted Scene 2!

கார்த்தி நடிப்பில் வெளியான மெய்யழகன் படத்தின் நீக்கப்பட்ட காட்சி யூடியூப்பில் டிரெண்டிங்கில் 3வது இடத்தை பிடித்துள்ளது.

விஜய் சேதுபதி நடிப்பில் வெளியான 96 படத்தை இயக்கிய பிரேம்குமார், சுமார் 6 ஆண்டுகள் இடைவெளிக்கு பிறகு மெய்யழகன் படத்தை இயக்கினார். நடிகர் கார்த்தி, அரவிந்த் சாமி, ராஜ்கிரண், ஸ்ரீதிவ்யா உள்ளிட்டோர் நடித்த இந்தப் படத்தை 2டி நிறுவனம் சார்பில் நடிகர் சூர்யாவும், நடிகை ஜோதிகாவும் தயாரித்து இருந்தனர்.

இதையும் படியுங்கள் : அதானி நிறுவன பங்குகள் வீழ்ச்சி எதிரொலி – எல்ஐசி.க்கு ஒரே நாளில் ரூ.12,000 கோடி இழப்பு!

கடந்த செப். 27-ஆம் தேதி திரைக்கு வந்த மெய்யழகன் திரைப்படம், கலவையான விமர்சனங்களை பெற்றாலும், ரூ. 40 கோடிக்கு மேல் வசூலித்ததாக தகவல்கள் தெரிவிக்கின்றன. இப்படம் கடந்த மாதம் ஓடிடியில் வெளியான நிலையில் திரையரங்குகளை விட அதிக வரவேற்பு கிடைத்தது. இதற்கிடையே, இப்படத்தின் நீக்கப்பட்ட காட்சி (Deleted Scene) ஒன்று கடந்த மாதம் வெளியான நிலையில் நீக்கப்பட்ட 2 காட்சிகளை படக்குழு நேற்று வெளியிட்டது. இதில் நீக்கப்பட்ட காட்சி 2 யூடியூப்பில் ட்ரெண்டிங்கில் 3வது இடத்தை பிடித்துள்ளது.