நாகை - இலங்கை கப்பல் சேவை நிறுத்தம் | கப்பல் நிறுவனம் அறிவிப்பு!

நாகப்பட்டினம் - இலங்கை காங்கேசன்துறை இடையிலான கப்பல் போக்குவரத்து தற்காலிகமாக நிறுத்தப்படுவதாக கப்பல் நிறுவனம் அறிவித்துள்ளது.

நாகை துறைமுகத்தில் இருந்து இலங்கை காங்கேசன் துறைமுகம் வரையிலான கப்பல் சேவை கடந்த ஆண்டு அக். 1-ம் தேதி தொடங்கப்பட்டது. எனினும், பல்வேறு காரணங்களால் சில நாட்களிலேயே கப்பல் சேவை நிறுத்தப்பட்டது.

இந்நிலையில், நாகப்பட்டினம் - இலங்கை காங்கேசன்துறை இடையிலான கப்பல் போக்குவரத்து வரும் 19-ஆம் தேதி முதல் டிசம்பர் 18-ஆம் தேதி வரை நிறுத்தப்படுவதாக தகவல் வெளியாகி உள்ளது. வானிலை முன்னெச்சரிக்கை காரணமாக நிறுத்தப்படுவதாக கப்பல் நிறுவனம் அறிவிக்கப்பட்டுள்ளது.

இதையும் படியுங்கள் : AUSvsPAK | முதல் டி20 போட்டி – மழையால் 7 ஓவர்களாக குறைப்பு… பாகிஸ்தானை வீழ்த்தி ஆஸ்திரேலியா அபார வெற்றி!

பயணிகளின் வசதிக்காக கப்பல் இம்மாதம் 15, 16, 17 மற்றும் 18 ஆகிய தேதிகளில் தொடர்ந்து இயக்கப்படும் என கப்பல் நிறுவனம் அறிவித்துள்ளது.