சென்னை #PressClub ல் பெண் பத்திரிகையாளர்களுக்கு தனி அறை - என்.ராம் திறந்து வைத்தார்!

சென்னை பிரஸ் கிளப்பில் பெண் பத்திரிகையாளர்களுக்கு ஒதுக்கியுள்ள தனி அறையை மூத்த பத்திரிகையாளர் என்.ராம் திறந்து வைத்தார்.

இந்திய ஜனநாயகத்தின் தூண்களின் ஒன்றாக பத்திரிகை செயல்பட்டு வருகிறது. அரசியல் கட்சிகள், சமூக அமைப்புகள், இயக்கங்கள் என தங்களது கோரிக்கையை மக்கள் முன் எடுத்துரைப்பதற்கு பத்திரிகையாளர் மன்றங்கள் ஒவ்வொரு நாட்டிலும் செயல்படுகின்றன. இதன் ஒருபகுதியாக இந்தியாவின் பல்வேறு பகுதிகளில் பத்திரிகையாளர் மன்றங்கள் செயல்படுகின்றன.

இதேபோல தமிழ்நாட்டின் தலைநகரான சென்னையில் பத்திரிகையாளர் மன்றம் சென்னை சேப்பாக்கத்தில் இயங்கி வருகிறது. பத்திரிகையாளர் மன்றத்தில் பொதுவான அறைகள் மட்டுமெ செயல்பட்டு வருகின்றன.

இந்த நிலையில் இன்று சென்னை பிரஸ் கிளப்பில் பெண் பத்திரிகையாளர்களுக்கு ஒதுக்கியுள்ள தனி அறையை மூத்த பத்திரிகையாளர் என்.ராம் திறந்து வைத்தார். இந்த நிகழ்வில் சுமார் 20 பெண் பத்திரிகையாளர்கள் கலந்து கொண்டனர்.

இந்த நிகழ்வில் பேசிய பத்திரிகையாளர்கள் வரும் நாட்களில் பிரஸ் கிளப் சென்று அந்த அறையை பெண் பத்திரிகையாளர்கள் பயன்படுத்துமாறு கோரிக்கையை முன்வைத்தனர். மேலும் மாதம் ஒரு முறை பெண் பத்திரிகையாளர்களுக்கு சந்திப்பு மற்றும் தேவையான கூட்டங்கள் நடத்தி பயன்பெறலாம் எனவும் தெரிவித்தனர்.