கேரள பெண்ணின் மரண தண்டனை ஒத்திவைப்பு!

கேரளாவின் பாலக்காட்டைச் சேர்ந்த பிரியா, 2017-ல் தலா அபோ மெஹ்தியை கொலை செய்ததாகக் குற்றம் சாட்டப்பட்டார். அவர் ஏமனில் இருந்து தப்பிக்க முயன்றபோது கைது செய்யப்பட்டு, 2018-ல் மரண தண்டனை விதிக்கப்பட்டது.

பிரியா 2008-ல் ஏமனுக்குச் சென்றார். 2011-ல், அவர் கேரளாவில் டாமி தாமஸை மணந்தார். இருவரும் தங்கள் சொந்த கிளினிக்கைத் தொடங்க விரும்பினர், ஆனால் ஏமன் சட்டத்தின் படி, இதற்கு ஒரு உள்ளூர் கூட்டாளருடன் இணைந்து செயல்பட வேண்டும்.

பிரியா செவிலியராகப் பணிபுரிந்த கிளினிக்கில் வழக்கமாக வந்த தலா அபோ மெஹ்தியை இந்த தம்பதியினர் உதவிக்காக அணுகினர். கிளினிக் தொடங்கியதும், மெஹ்தி தனது வருமானத்தை அவருடன் பகிர்ந்து கொள்ள மறுத்ததாகக் கூறப்படுகிறது. மேலும், அவரது கணவர் கேரளாவில் இருந்தபோது, ​​அவரை தனது மனைவியாகக் காட்டும் ஆவணங்களை அவர் போலியாக தயாரித்ததாகவும் கூறப்படுகிறது.

பிரியாவின் குடும்பத்தினர் கூறியது, மெஹ்தி அவரது பயண ஆவணங்கள் மற்றும் பாஸ்போர்ட் அனைத்தையும் எடுத்துக்கொண்டதால், பிரியா வெளியேற முடியாமல் துன்புறுத்தப்பட்டார்.

ஒரு நாள், பிரியா, சக செவிலியர் ஹன்னன் உதவியுடன், மெஹ்தியை மயக்க மருந்து கொடுத்து, தனது ஆவணங்களைப் பெற முயன்றதாகக் கூறப்படுகிறது. ஆனால் அதிகப்படியான டோஸ் அவரது மரணத்திற்கு வழிவகுத்தது. பீதியடைந்த இருவரும் மெஹ்தியின் உடலைத் துண்டித்து ஒரு நீர் தொட்டியில் வீச முடிவு செய்தனர். இதனால் இருவரும் இறுதியில் கைது செய்யப்பட்டனர் என தெரிவித்தனர்.

ஏமன் நீதிமன்றத்தால் அவருக்கு மரண தண்டனை விதிக்கப்பட்டது. தற்போது நிமிஷா பிரியாவுக்கு சற்று ஆறுதல் கிடைத்துள்ளது. ஏமனில் ஜூலை 16-ம் தேதி நடைபெறவிருந்த அவரது மரண தண்டனை ஒத்திவைக்கப்பட்டுள்ளது. இந்திய அரசு சமீப நாட்களாக பல முயற்சிகளை மேற்கொண்டு, குடும்பத்தினர் எதிர் தரப்புடன் ஒரு இணக்கமான தீர்வைக் கண்டறிய மேலும் அவகாசம் தேடியதாக அரசு வட்டாரங்கள் தெரிவித்துள்ளன.